ကာလာမသုတ္တန်လာ ပညာသင်ကြားရေးကို ငေးကြည့်ခြင်း

Written by လှရွှေ

နိုင်ငံတခုရဲ့ နှလုံးပမာအရေးကြီးတဲ့အရာကတော့ ပညာရေးစနစ် ဖြစ်ပါတယ်။ လက်ရှိဖြစ်ပေါ်နေတဲ့ မြန်မာ့နိုင်ငံရေးပြောင်းလဲမှု ဖြစ်စဉ်မှာ အုတ်အော်သောင်းနင်း ဖြစ်နေတဲ့ နိုင်ငံ့အရေးကိစ္စတခုကတော့ ပညာရေးစနစ် ပြုပြင်ပြောင်းလဲမှု ဖြစ်ပါတယ်။ ကမ္ဘာ့ခေါင်းဆောင်များ အနေနဲ့လည်း လက်ရှိ ဖြစ်ပေါ်နေတဲ့ အကျပ်အတည်းတွေကို ဖြေရှင်းနိုင်ဖို့  ပညာရေး စနစ်တခုလုံးကို ပြုပြင်ပြောင်းလဲဖို့ ဆော်အော်လာကြတယ်။ အနှေးနဲ့အမြန်ဆိုသလို ပညာရေး စနစ်တခုလုံး ပြောင်းလဲဖို့ ဖြစ်လာမှာပါ။
မြန်မာနိုင်ငံမှာ နိုင်ငံရေးစနစ်နဲ့အတူ ပညာရေးစနစ် ပြုပြင်ပြောင်းလဲလာတဲ့အခါ မြန်မာ့လူ့အဖွဲ့အစည်းရဲ့ အဓိကဗဟိုချက်မမှာ ရှိနေတဲ့ ဗုဒ္ဓဘာသာ ပညာသင်ကြားရေးကလည်း ဘယ်လိုခရီးဆက်မလဲ ဆိုတာ သိပ်စိတ်ဝင်စားစရာ ကောင်းတဲ့ အချက်တချက်ဖြစ်လာပါတယ်။ လက်ရှိရှိနေတဲ့ ဗုဒ္ဓဘာသာနဲ့ဆိုင်တဲ့ ပညာသင်ကြားရေးစနစ်က ခေတ်စနစ်နဲ့ လိုက်လျောညီထွေရှိရဲ့လားဆိုတဲ့ မေးခွန်းပေါ်ပေါက်လာပါတယ်။
လက်ရှိ ခေါက်ရိုးကျိုးနေတဲ့ မြန်မာ့ပညာရေးစနစ်ကို ပြောင်းလဲဖို့လိုအပ်သလို ဗုဒ္ဓဘာသာပညာသင်ကြားရေး စနစ်ကိုလည်း ဗုဒ္ဓရဲ့ဆိုဆုံးမမှုတွေနဲ့အညီ ပြောင်းလဲသင့်တဲ့ ကိစ္စတခုဖြစ်လာပါတယ်။ ဗုဒ္ဓရဲ့လမ်းစဉ်က တွေးတောဆင်ခြင်မှု အင်မတန်မှ လွတ်လပ်တဲ့ ဘာသာတရားဖြစ်တယ်ဆိုတာ ကာလမသုတ်ကို ဖတ်ကြည့်ရုံနဲ့ သိနိုင်ပါတယ်။ ကာလမသုတ်က ဒီလို ပြောထားပါတယ်။
ကာလာမမင်းတို့ “သင်တို့သည်ပြောသံ ကြားကာမျှဖြင့် ဟုတ်ပြီ မှန်ပြီဟု အတည် မယူနဲ့”
“အစဉ်အဆက် စကားမျှဖြင့်လည်း ဟုတ်ပြီ မှန်ပြီဟု အတည် မယူနဲ့”
“ဤသို့ ဖြစ်ဖူးသတတ်ဟူသော စကားမျှဖြင့်လည်း ဟုတ်ပြီ မှန်ပြီဟု အတည်မယူနဲ့”
“ပိဋကတ် မိမိတို့ရှေးဟောင်းကျမ်းဂန် စာပေနှင့် ညီညွတ်ပေသည်ဟူ၍လည်း
ဟုတ်ပြီ မှန်ပြီဟု အတည် မယူနဲ့”
“ ကြံဆတွေးတော၍ ယူခြင်းမျှဖြင့်လည်း ဟုတ်ပြီ မှန်ပြီဟု အတည် မယူနဲ့”
“နည်းမှီးယူခြင်းမျှဖြင့်လည်း ဟုတ်ပြီ မှန်ပြီဟု အတည် မယူနဲ့”
“အခြင်းအရာကို ကြံစည်သောအားဖြင့်လည်း ဟုတ်ပြီ မှန်ပြီဟု အတည်မယူနဲ့”
“ငါတို့ ကြံစည်နှစ်သက်၍ ယူထားသောအယူနှင့် တူညီပေသည်ဟူ၍လည်း ဟုတ်ပြီ မှန်ပြီဟု အတည် မယူနဲ့”
“ငါတို့လေးစားသော ရဟန်း၏ စကားဟူ၍လည်း ဟုတ်ပြီ မှန်ပြီဟု အတည် မယူနဲ့” လို့ဟောခဲ့တာကို ကြည့်ရင် ဗုဒ္ဓဟာ လွတ်လပ်စွာ စဉ်းစားတွေးခေါ်တဲ့ (Freedom of Expression) ကိုနှစ်သက်ခဲ့တာကို တွေ့ရပါတယ်။
ဗုဒ္ဓဘာသာ ထွန်းလင်းတောက်ပနေတယ်လို့ ဟစ်ကြွေးနေတဲ့ မြန်မာနိုင်ငံမှာ ဗုဒ္ဓဘာသာ ပညာသင်ကြားရေးစနစ်က ဗုဒ္ဓဟောခဲ့တဲ့ လမ်းစဉ်အတိုင်းလား၊ လက်ရှိ ရဟန်းပညာရှိ (သို့မဟုတ်)။ အာဏာပိုင်တွေက အုပ်ချုပ်ရေးအာဏာကို ထိပါးလာမှာကြောက်တဲ့အတွက် လွဲမှားတဲ့ သင်ကြားရေးစနစ်ကို ကျင့်သုံးနေသလားဆိုတာ ဆန်းစစ်ရပါမယ်။
အခုလက်ရှိ ကျင့်သုံးနေတဲ့ ဗုဒ္ဓဘာသာ ပညာရေးသင်ကြားရေးစနစ်ကျတော့ ကာလမ သုတ္တံနဲ့ဆန့်ကျင်ဘက် ဖြစ်နေပါတယ်။ လွတ်လပ်စွာတွေးတော ဆင်ခြင်ခြင်းကို မျက်ကွယ်ပြုပြီး အာဂုံဆောင်တဲ့ ပညာရေးစနစ်ကို ကျင့်သုံးနေတယ်။ တနည်းပြောရရင် အာဏာရှင်ဆန်တဲ့ ဗုဒ္ဓဘာသာ ပညာသင်ကြားရေး စနစ်ဖြစ်ပါတယ်။
ထိုင်းနိုင်ငံ မဟာချူလာလောင်ကောင် တက္ကသိုလ်မှာ ပညာသင်ကြားနေတဲ့ ရဟန်းတော် ဦးရေ၀တကတော့ လက်ရှိ ဖြစ်ပေါ်နေတဲ့ ဗုဒ္ဓဘာသာ ပညာသင်ကြားရေး စနစ်က ဗုဒ္ဓ၀ါဒလာ ကာလမ သုတ္တံနဲ့ မညီဘူးလို့ ပြောပါတယ်။
“ဦးဇင်းတို့သင်ကြားခဲ့တဲ့ ဗုဒ္ဓဘာသာ ပညာရေးစနစ်မှာ အာဂုံဆောင်တာကိုပဲ အားပေးတယ်၊ အာဂုံရမှ အာဂလူ ဆိုတဲ့ ဆိုးရိုးစကားကို ဆရာသမားတွေကလည်းလက်ခံကြတယ်၊ အားပေးကြတယ်။ စီစစ်ဝေဖန်မှု၊ ထီထွင်ကြံဆ မှုကိုအားမပေးကြဘူး။ အထူးသဖြင့် ဝေဖန်ကြံဆတာကိုလက်မခံကြဘူး။ ဒီလိုဖြစ်နေတာဟာ ရှေးရိုးစွဲဆရာတော်ကြီးအချို့နဲ့ အစိုးရရဲ့ အုပ်ချုပ်မှုကြောင့်လို့ ထင်ပါတယ်” ဟုပြောဆိုခဲ့ပါတယ်။
ခေတ်ဟောင်း အိန္ဒိယနိုင်ငံ ဗုဒ္ဓဘာသာ ပညာသင်ကြားရေး စနစ်မှာ ဒီနေ့ခေတ် ပြောနေတဲ့ Critical Thinking, Student Centered နည်းစနစ်သုံးခဲ့တာကို တရုတ်ရဟန်းတော် တပါးဖြစ်တဲ့  ယိချင်ရဲ့ Record of the Buddhist Religion (Chapter XXXIV) မှတ်တမ်းမှာ တွေ့နိုင်ပါတယ်။ ဒီနေ့ခေတ် ဟားဗတ်တက္ကသိုလ်လို နာမည်ကျော်ခဲ့တဲ့ အိန္ဒိယနိုင်ငံက နာလန်ဒတက္ကသိုလ် ပညာသင်ကြားရေး စနစ်ကို အခုလို မှတ်တမ်းတင်ခဲ့ပါတယ်။
“နာလန္ဒာတက္ကသိုလ်မှာ ဆင်ခြေလျှောက်လဲခြင်းပညာရပ်သည် အလွန်ကျော်ကြားပြီး စာသင်သားများ အနေနှင့် ဆင်ခြေလျှောက်လဲခြင်းကို လေ့ကျင့်ကြခြင်းအားဖြင့် နေ့တာတိုသည်ဟူ၍ ထင်ရကြောင်း လွတ်လပ်စွာ ဆင်ခြေတက် အဆိုအခြေများဖြင့် ငြင်းခုံကာ ပညာဆည်းပူး လေ့လာကြရကြောင်း ရေးသားထားပါတယ်” ဒါက အေဒီ (၇) ရာစုလောက်က ဗုဒ္ဓဘာသာ ပညာသင်ကြားရေးစနစ်ကိုမှတ်တမ်း တင်ခဲ့တာဖြစ်ပါတယ်။
ဒီနေ့ပြောင်းလဲနေတဲ့ ကမ္ဘာကြီးရဲ့ နိုင်ငံရေး၊ စီးပွားရေး၊ လူမှုရေး၊ နည်းပညာတွေနဲ့ လိုက်လျောညီထွေ ဖြစ်ဖို့လိုအပ်လာပါတယ်။ ဒီလိုပြုပြင်နိုင်မှ ဗုဒ္ဓဘာသာပညာရှင်တွေဟာ ကမ္ဘာမှာပွဲလယ်တင့်နိုင်မှာ ဖြစ်ပါတယ်။ လက်ရှိ ဖြစ်ပေါ်နေတဲ့ မြန်မာ့နိုင်ငံရေး ပြုပြင်ပြောင်းလဲမှု ဖြစ်စဉ်မှာ ရဟန်းတော်တွေရဲ့ အခန်းကဏ္ဍက မသေးဘူးဆိုတာကို မျက်ဝါးထင်ထင်တွေ့ မြင်နေရပါတယ်။
ဒါကြောင့် လောကီကျောင်းတွေ အပြင် ဗုဒ္ဓဘာသာ ပညာသင်ကျောင်တွေမှာသင်ကြားတဲ့ (အဘိဓမ္မာ၊ သုတ္တံ၊ ၀ိနည်း) တွေကို ရှုထောင့်အမျိုးမျိုးကနေ ချဉ်းကပ်သင်ကြားတဲ့ နည်းစနစ်တွေကိုသုံးပြီး နိုင်ငံ့ရဲ့ပြောင်းလဲမှု တွေနဲ့အတူ ပြောင်းလဲသင့်တယ်လို့ ယူဆမိပါတယ်။
ထိုင်းနိုင်ငံရဲ့ ဗုဒ္ဓ၀ါဒ အပေါ်ချဉ်းကပ် သင်ကြားမှုက ခေတ်ရှေ့ကိုပြေးနေတာကို တွေ့ရပါတယ်။ ထိုင်းလူမျိုး ရဟန်းတော်တွေ ဖြစ်တဲ့ Santikalo Bikkhu, Phra Suthiwornyarn, Iam Tongdee တို့ဟာ ခေတ်ဟောင်းဗုဒ္ဓစာပေ သင်ကြားရေးကနေ ခွဲထွက်ပြီး ဗုဒ္ဒဘာသာနဲ့ နိုင်ငံမှာဖြစ်ပေါ်နေတဲ့ လူထုအခြေပြု အဖွဲ့အစည်းတွေရဲ့ ဆက်နွယ်နေမှုကို လူမှုရေးသိပ္ပံရှုဒေါင့် ကနေ ဝေဖန်ရေးသားလာတာကို တွေ့ရပါတယ်။ အထက်ပါ ရဟန်းတွေ ရေးတဲ့ Buddhist Ideology on Civil Society, Buddhism and Civil Society လိုကျမ်းတွေက ဘာသာရေးနဲ့ လူမှုရေး၊ နိုင်ငံရေး ပတ်သက်နေမှုကို စနစ်တကျ ရှာဖွေလာကြတာကို တွေ့ရပါတယ်။ ထိုင်းနိုင်ငံရဲ့ ဘာသာရေးဆိုင်ရာ သင်ကြားမှုကပေးလိုက်တဲ့ ရလဒ်ကောင်းတွေလို့ ပြောလို့ရပါတယ်။
လက်ရှိဖြစ်ပေါ်နေတဲ့ မြန်မာ့လူဘောင်မှာ ဗုဒ္ဓဘာသာရဲ့ အခန်းကဏ္ဍကို ချန်ထားလို့မရနိုင်ကြောင်းတွေ့ရပါတယ်။ လူထုအခြေပြု အဖွဲ့အစည်းတွေကို ရဟန်းတော်တွေက ဦးဆောင် ဦးရွက်ပြုနေကြတာဟာ အင်မတန်မှ အားရဖွယ် ကောင်းလှပါတယ်။
ဒါပေမယ့် မျက်မှောက်ခေတ် လူ့အဖွဲ့အစည်းမှာ ဗုဒ္ဓဘာသာရဲ့ အခန်းကဏ္ဍကို မြှင့်တင်မယ် ဆိုရင် Civil Society တွေကနေ “ နိုင်ငံသား အသိစိတ်ဓါတ်တွေ” “ ဂိုဏ်းဂဏမစွဲဘဲ အစုအဖွဲ့၊ အသင်းအပင်းနဲ့ လုပ်ဆောင်တတ်တဲ့ဓလေ့” “ ချိတ်ဆက် ဆောင်ရွက်မှုတွေ” အလျားလိုက် တပြေးညီ ဆက်ဆံမှုမျိုးကို အားပေးတဲ့နည်းတွေက ဗုဒ္ဓဘာသာ အပေါ်မှာ လူ့အဖွဲ့အစည်း၊ နိုင်ငံတော်နဲ့ ဆက်ဆံတဲ့ နည်းလမ်းတွေကိုပါ ပြောင်းလဲပေးစေ နိုင်ပါတယ်။
ရှေးရိုးစွဲ မင်းဆရာဆိုတဲ့ အသုံးအနှုန်းကို လက်နက်သဖွယ် သုံးပြီး အုပ်ချုပ်သူတွေနဲ့ ဂိုဏ်းခေါင်းဆောင်တွေရဲ့ ချယ်လှယ်မှု လမ်းကနေ ဗုဒ္ဓဘာသာ ပညာသင်ကြားရေး စနစ်ကိုလမ်းကြောင်းပြောင်းသင့်ပြီး ဗုဒ္ဓရဲ့ ကာလမသုတ်နဲအညီ ဆောင်ရွက်သင့်ပါကြောင်း ယူဆမိပါတယ်။
လှရွှေ
 http://www.maukkha.org/index.php/feature-article/2128-maukkha-buddhism-in-myanmar-and-education

ဗုဒ္ဓ၀ါဒီရှုမြင်တဲ့ ဒီမိုကရေစီနိုင်ငံဆိုတာ
ဘိက္ခုဓမ္မပိယ (ယူအက်စ်အေ)
မေ ၁၂၊ ၂၀၁၂

လွန်ခဲ့တဲ့သုံးပတ်ခန့်က “ဗုဒ္ဓ၀ါဒီနှင့် ဒီမိုကရေစီနိုင်ငံတော်’’ အမည်နဲ့ ဆောင်ပါးတစ်ပုဒ်ရေးဖြစ်ခဲ့တယ်။ ဒီမိုကရေစီလမ်းကြောင်းပေါ်မှာ နှစ် ပေါင်းရှစ်ဆယ်နီးပါး လျှောက်လှမ်းနေပြီးဖြစ်ပါလျှက် စည်းကမ်းပြည့်ဝတဲ့ ဒီမိုကရေစီနိုင်ငံတော်ကြီးဆီသို့ မရောက်ရှိနိုင်သေးတဲ့ ထိုင်းနိုင်ငံရဲ့ဒီမိုကရေစီအကြောင်း တစေ့တစောင်းနဲ့၊ ဗုဒ္ဓ၀ါဒီတယောက်ရဲ့အမြင်နဲ့ ဒီမိုကရေစီစံနစ်အပေါ်မှာ သုံးသပ်တင်ပြထားခြင်းပါ။

ဒီမိုကရေစီဆိုတဲ့လမ်းစဉ်နဲ့ မြန်မာပြည်သူ၊ ပြည်သားတွေ နှစ်ပေါင်းငါးဆယ်ကျော် အလှမ်းကွာဝေးခဲ့ကြရတဲ့အတွက်ကြောင့် ဒီမိုကရေစီ စံနစ်ရဲ့ အနှစ်သာရကို ခံစားသိရှိသူတွေ အတော်ကိုနည်းသွားပြီလို့ ဆိုရမှာပါ။ မြန်မာ နိုင်ငံမှာ ဒီမိုကရေစီစံနစ် ပျောက်ဆုံးသွားတဲ့နှစ်ပေါင်းက ငါးဆယ်ကျော်ဆိုတော့ အတော်ကြီးကိုကြာသွားပြီလို့လဲ ဆိုရမှာပါ။ ၁၉၆၂ ခုနှစ်မှ နောက်ပိုင်းကာလများမှာလည်း ဒီမိုကရေစီဆိုတဲ့စကားကို ရောင်လို့တောင် အိပ်မက်မမက်ရဲခဲ့တဲ့ ခေတ်ကာလများဆိုတော့ ဒီမိုကရေစီအကြောင်းကိုပြောခဲ့မိရင် ရောသမမွှေခံရမှာကို ကြောက်လို့ထင် ပါရဲ့ ဒီမိုကရေစီဆိုရင် ဝေးဝေးက ရှောင်နေခဲ့ကြတာပါ။ ဒီအခြေအနေမျိုးတွေကို ကျော်ဖြစ်လာခဲ့ကြရတဲ့မြန်မာပြည်သူ၊ ပြည်သားတို့ရဲ့ဘ၀ကို စာနာပေးနိုင်ဖို့ပါ။
ကြောက်ရွံ့ခြင်းဆိုတာသိလို့ ကြောက်သူများရှိသလို၊ မသိလို့ကြောက်နေသူများလည်းရှိနေခြင်းပါ။ စနစ်တစ်ခုရဲ့အောက်မှာ အကြောက် တရားနဲ့ နေရတဲ့အခါမျိုးမှာ အခြားစံနစ်တစ်ခုကို ပြောရမှာ၊ ဆွေးနွေးရမှာကို ကြောက်တယ်ဆိုတာ ဖြစ်ရိုးဖြစ်စဉ်ပါ။ ဒါပေမဲ့ ယခုအခါမှာ နိုင်ငံတော်က ဒီမိုကရေစီစံနစ်ကို ကျင့်သုံးနေပြီဖြစ်ပါလျှက် နိုင်ငံတွင်းမှာနေတဲ့ ပြည်သူ၊ ပြည်သားတွေရဲ့ အကြောက်တရားမျိုးကတော့ ဆန်းနေသလိုပဲ။ တကယ်တော့ အကြောက်တရားလွန်ကဲနေသူများဟာ ဒီမိုကရေစီစံနစ်ရဲ့ကျင့်ထုံးတွေကို မသိကြလို့၊ မလေ့လာကြလို့ ကြောက်နေကြခြင်းမျိုးပါ။ ဒီမိုကရေစီစံနစ်အရ နိုင်ငံတော်ကချမှတ်ထားတဲ့ဥပဒေများ၊ ပြည်သူ၊ ပြည်သားတွေ လိုက်နာကျင့်သုံးရမဲ့ ဥပဒေ များကို ပြည်သူတွေ သိထားကြမယ်ဆိုရင် (လို့မဟုတ်) သိနားလည်အောင်ပြုလုပ်ထားကြမယ်ဆိုရင် ကျော်လွန်လာခဲ့တဲ့ နေရက်အချိန်တွေ အတွက် ပြန်လည်နှမြောမိကြမှာပါ။ ထို့ကြောင့် ဒီမိုကရေစီစံနစ်ရဲ့ လေးနက်တဲ့အနှစ်သာရများကို ပြည်သူ၊ ပြည်သားတွေ စောစီးစွာသိရှိ နိုင်ဖို့ပါ။
ပြည်သူတွေ ဒီမိုကရေစီနဲ့စပ်တဲ့အသိတရားတွေ ဘယ်လောက်များနည်းပါးနေကြသလဲဆိုရင် ဒီမိုကရေစီရဲ့အနှစ်သာရကို မသိရှာကြလေ တော့ ဒီမိုကရေစီရရင် ထင်ရာလုပ်လို့ရပြီလို့အထင်ရောက်နေသူတွေက ဒုနဲ့ဒေး။ ဒီမိုကရေစီရဲ့အနှစ်သာရကို ဘာမှမသိဘဲ ပြောသွားတဲ့ သူရဲ့စကားကို တကယ့်ဒီမိုကရေစီ ကျင့်ထုံးကြီးထင်ပြီး ထင်ရာစိုင်းချင်သူတွေအတွက် ရင်လေးမိပါရဲ့။ မကြာခင်ကပြီးဆုံးသွားတဲ့ မြန်မာရိုး ရာသင်္ကြန်ပွဲမှာ ပြည်သူ၊ ပြည်သားအများစုရဲ့ ၀တ်စားဆင်ယဉ်မှုတွေက ပြည်သူတွေရဲ့စိတ်ဓာတ်အချို့ကို တစ်စိတ်တစ်ပိုင်း ထင်ဟပ်ြပနေ ခြင်းပါ။ သရုပ်ပျက်ဝတ်စားဆင်ယင်မှုတွေက မြန်မာရိုးရာဝတ်စားဆင်ယင်မှုတွေကို စိန်ခေါ်လာပြီဆိုတော့လဲ စိတ်ပူတတ်သူများအတွက် စိတ်ပူစရာပါ။ မလုံတလုံ၊ မပေါ်တပေါ် ခေတ်ပေါ်ဝတ်စားဆင်ယင်မှုတွေဟာ မြန်မာ့ရိုးရာယဉ်ကျေးမှုအမွေအနှစ်များကို အစွန်းအ ထင်း ထင်စေနိုင်ရုံမက ဖျက်ဆီးပစ်တဲ့အထိရောက်သွားနိုင်တယ်ဆိုတာ ပြည်သူ၊ ပြည်သားအများစု သိထားနိုင်ဖို့ပါ။
ဒီနေရာမှာ ဒီမိုကရေစီနိုင်ငံများအားလုံးက လေးစားလိုက်နာရတဲ့ “လူ့အခွင့်အရေး ကျေညာစာတမ်းကြီး’’ ကို အခွင့်သင့်လို့တင်ပြပါရစေ။ အဲဒီစာတမ်းထဲမှာ ဒီမိုကရေစီကို လေးစားလိုက်နာသူတိုင်း ကျင့်သုံးရမဲ့စည်းကမ်းပေါင်း အချက်သုံးဆယ်တိတိပါဝင်နေပြီး၊ ထိုစည်းကမ်း များကို ကုလသမဂ္ဂမှ ၁၉၄ဂ ခုနှစ်တွင် “လူ့အခွင့်ရေး ကြေညာစာတမ်းကြီး’’ တခုအနေနဲ့ထုတ်ပြန်ထားခဲ့တာပါ။ အဲဒီလူ့အခွင့်ရေး ကြေညာ စာတမ်းကြီးမှာပါတဲ့ ပထမဦးဆုံးလိုက်နာရမည့်စည်းကမ်းက “ဤကမ္ဘာတွင် လူဟူသမျှသည် မိသားစုအဖွဲ့ဝင် ညီအကိုမောင်နှမများ သ ဖွယ်ဖြစ်၏။ ထို့ကြောင့် သင်သည် လူချင်းဆက်ဆံရာ၌ ကြင်နာစွာဖော်ရွေစွာ ယဉ်ကျေးစွာ ပြုမူသင့်၏’’ လို့ ဖေါ်ပြထားခြင်းပါ။ ဟိရီ၊ သြတ္တ ပ္ပတရားကိုတန်ဖိုးထားတဲ့ မြန်မာနိုင်ငံလိုနိုင်ငံမျိုး၌ မလုံမခြုံဝတ်စားဆင်ယဉ်မှုမျိုးကိုပြုခြင်းဟာ အများအပေါ်မှာ (သို့မဟုတ်) ယဉ်ကျေးတဲ့လူ့အသိုင်းအ၀ိုင်းပေါ်မှာ ယဉ်ကျေးစွာ ပြုမူရာ ရောက်၊ မရောက် စဉ်းစားနိုင်ကြဖို့ပါ။ အဖေနဲ့သမီး၊ အကိုနဲ့ညီမ တခရီးထဲမှာ အတူသွားလို့မ အမြင်လည်းမတော်၊ သင့်လည်းမသင့်တော်တဲ့အနေအထားမျိုးမှာ ရှိနေလို့ပါ။ အချင်းချင်း ယဉ်ကျေးစွာ ပြုမူသင့်၏ဆိုတဲ့အဓိပ္ပါယ်ဟာ သိပ်ကိုလေးနက်သိမ့်မွေ့လှတယ်။ “စုံပုဝါ ဘယ်ညာချပြီး၊ မှုန်နံသာ ချယ်ကာသတာကို အလှတရားပါ’’ လို့ မြန်မာအများစုရဲ့သဘောထားက ထင်ရှားရှိနေသေး တယ်ဆိုရင်၊ လုံလုံခြုံခြုံနဲ့ ၀တ်စားဆင်ယဉ်တဲ့ မြန်မာအမျိုးသမီးကောင်းတို့ရဲ့ ကျော့ရှင်းတဲ့အလှတရားကို မြန်မာပြည် သူ၊ ပြည်သားတို့က မြတ်နိုးစွာဖြင့် ဆက်လက်တန်ဖိုးထားဆဲဆိုရင်တော့ မြန်မာအမျိုးသမီးတို့ရဲ့ အလှကျက်သရေဆိုတာ ဒါမျိုးပါလို့ ကမ္ဘာ ကို စံထားပြောဆိုလို့ရမှာပါ။ ဒီလိုမှမဟုတ်ပဲ တိုင်းတစ်ပါးယဉ်ကျေးမှုကို အထငကြီးပြီး၊ အတုယူမှားကြမယ်ဆိုရင်တော့ “ယှဉ်တုတိုင်း ရှက် စရာတွေချည်း’’ ဖြစ်နေမှာပါ။ “ယိုသူမရှက် မြင်သူရှက်’’ အဖြစ်မျိုးတွေချည်း ကြုံတွေ့နေကြရမှာပါ။ ကိုယ်ပိုင်အသိဉာဏ်နဲ့ စဉ်းစားဝေဖန် နိုင်ကြဖို့ပါ။
ထင်ရာစိုင်းချင်တဲ့ အမူအကျင့်တွေရှိနေသေးတဲ့ မြန်မာပြည်သူ၊ ပြည်သားတွေ စာတွေပေတွေအများကြီးဖတ်ကြဖို့ပါ။ ဖြစ်နိုင်ရင် နိုင်ငံတော် မှလည်း ပညာပေးဟောပြောပွဲတွေ၊ စာပေဟောပြောပွဲတွေ၊ ရေဒီယို၊ ရုပ်သံလွှင့်အစီအစဉ်တွေနဲ့ ဒီမိုကရေစီအကြောင်း သိကောင်းစရာတွေ ကို မကြာမကြာပြုလုပ်ပေးနေရမှာပါ။ သတင်းမီဒီယာများနှင့် အနုပညာရှင်များကလည်း ပညာပေးဆွေးနွေးပွဲတွေ၊ ရုပ်သံလွှင့်ဇာတ်လမ်း တွေနဲ့ ဒီမိုကရေစီရဲ့အနှစ်သာရကိုပေါ်လွင်စေတဲ့ ရုပ်ရှင်ဇာတ်ကားများကို ထုတ်လွှင့်ပေးကြရမှာပါ။ ပြည်သူ၊ ပြည်သားတွေ ဒီမိုကရေစီစံနစ် ကို သဘောသက်ဝင်လာပြီး၊ ပြည်သူပြည်သားတွေကိုယ်တိုင် ပူးပေါင်းပါဝင်လာမှ စည်းကမ်းပြည့်ဝတဲ့ ဒီမိုကရေစီနိုင်ငံတောကြီးဆိုတာ တ ကယ်ဖြစ်လာမှာပါ။
မြန်မာပြည်မှာ ဆင်းရဲ ချမ်းသာ ကွာခြားလွန်းတဲ့လူတန်းစားပြဿနာရှိနေလေတော့ အလွှာမတူညီတဲ့လူတန်းစားတွေကို အသိတရားတွေ တူညီလာအောင် ဘယ်လိုလုပ်ဖြစ်နိုင်မလဲလို့ တဦးတယောက်က မေးခွန်းထုတ်မေးလာခဲ့ရင် အဖြေကို ၀ိုင်းဝန်းစဉ်းစားပေးကြဖို့ပါ။
ဒီနေရာမှာ မြတ်ဗုဒ္ဓအသုံးပြုတဲ့ နည်းစံနစ်လေးတစ်ခုကို သတိရမိလို့တင်ပြပါရစေ။ မြတ်ဗုဒ္ဓရဲ့သာသနာတော်အတွင်းကို ၀င်ရောက်လာသူ တွေဟာ အသိပညာ ဥစ္စာဓနအားဖြင့် နှိုင်းယှဉ်ကြည့်မယ်ဆိုရင် လယ်ဗယ်မတူညီသူတွေများပါတယ်။ သာမန်အားဖြင့်ဆိုရင်တော့ ဘယ် လိုပဲ လယ်ဗယ်ကိုညှိညှိ လယ်ဗယ်ညှိလို့ကိုမရနိုင်တဲ့အနေအထားမျိုးမှာပါ။ သာသနာတော်အတွင်း ရဟန်းပြုလာသူတွေထဲမှာ ရှင်ဘုရင်ဆို သူတွေလဲ ပါတယ်။ စစ်သူကြီးဆိုသူတွေလဲပါတယ်။ သူဋ္ဌေးသူကြွယ်တွေလဲပါတယ်။ နောက်ဆုံးကုန်ကုန်ပြောရရင် ဆင်းရဲသားကအစ သူခိုးဓားပြ၊ လူဆိုးလူမိုက်တွေအထိ ပါဝင်နေတာ။ ဆုံးမထိုက်တဲ့သူများကို ဆုံးမတော်မူရာ၌ ကျွမ်းကျင်တော်မူလှတဲ့ မြတ်စွာဘုရားဟာ သာသနာတော်အတွင်း ၀င်ရောက်လာသူတွေအားလုံးကို လယ်ဗယ်ညီအောင် ပြုကျင့်နိုင်တဲ့စံနစ်တစ်ခုကို ချမှတ်တော်မူခဲ့တယ်။ စံနစ်က ရိုးတယ်။ ရှင်းတယ်။ ဒါပေမဲ့ အကျိုးသက်ရောက်မှုရှိတယ်။ အဲဒီအကျင့်ကို “သိက္ခာ သုံးပါးအကျင့်’’လို့ခေါ်တာ။ သီလ သမာဓိ ပညာကို သိ က္ခာသုံးပါးအကျင့်လို့ သိထားဖို့ပါ။
ဦးစွာပထမ မြတ်စွာဘုရားက သာသနာတော်အတွင်းဝင်ရောက်လာကြတဲ့ သူခိုးဓားပြဆိုသူတွေကိုရော၊ လူဆိုးလူမိုက်ဆိုသူတွေကိုရော၊ သူဋ္ဌေးသူကြွယ်ဆိုသူတွေကိုရော၊ စစ်သူကြီးဆိုသူတွေကိုရော၊ ရှင်ဘုရင်ဆိုသူတွေကိုရော၊ ဒီလူတွေအားလုံးကို အခြေခံလယ်ဗယ် ညီသွား အောင် သီလအကျင့်တရားနဲ့ကိုယ်နဲ့နှုတ်ကို ယဉ်ကျေးသွားအောင် ဦးစွာပထမ ဆုံးမတော်မူတယ်။ မကြာခင်မှာပဲ သူတို့အားလုံးရဲ့ ကိုယ် အမူအယာရော၊ နှုတ်အမူအယာများဟာ တဖြေးဖြေး ယဉ်ကျေးသိမ့်မွေ့လာပြီး (ယဉ်ကျေးပြီးသူများဆို ပိုမိုယဉ်ကျေးသိမ့်မွေ့လာပြီး) အ တိုင်းအတာတစ်ခုအထိ လယ်ဗယ်ညီလာတယ်။ ဒါပေမဲ့ သီလရဲ့အစွမ်းက ကိုယ်နှုတ်နှစ်ပါးကိုသာ ယဉ်ကျေးအောင်ပြုနိုင်ပြီး၊ စိတ်ကို ယဉ် ကျေးအောင်မပြုနိုင်သေးတာမို့ သမာဓိအလေ့အကျင့်နဲ့ နောက်ထပ်တဆင့်တိုးမြှင့်ပြီး စိတ်ကိုပါယဉ်ကျေးလာအောင် ဘ၀နာတရား တစ် ခုခုကိုကျင့်သုံးစေပြီး လယ်ဗယ်ညှိပေးပြန်တယ်။ တိုတိုပြောတော့ အဲဒီအချိန်မှာ ကိုယ်နှုတ်စိတ် သုံးပါးလုံး ယဉ်ကျေးလာကြတယ်။ ဒါပေမဲ့ အသိတရားမှာ လယ်ဗယ်မညီပြန်ရင်လဲ ငြိမ်းချမ်းတဲ့ သာသနာတော်တစ်ရပ်ကို တည်ထောင်နိုင်ဖို့ ခက်ခဲတဲ့အနေအထားမျိုးမှာ ရှိနေပြန် တော့ အသိဉာဏ်ပညာ လယ်ဗယ်များ အနီးစပ်ဆုံးတူညီမှုများ ရရှိနိုင်အောင် ၀ိပဿနာပညာ၊ မဂ်ပညာ၊ ဖိုလ်ပညာတို့ဖြင့် ဘ၀ရဲ့သစ္စာ၊ ဓမ္မရဲ့တန်ဖိုးများကို သိနားလည်စေခဲ့တယ်။ နောက်ဆုံးတော့ သိက္ခာသုံးပါးအကျင့်တရားများကို ကိုယ်တိုင်ပွားများကြခြင်းကြောင့် သာသနာ့ ၀န်ထမ်း ရဟန်းတော်များရဲ့ဘ၀ဟာ အသိဉာဏ်လယ်ဗယ်များ တူညီလာကြတယ်။ အခြေခံလယ်ဗယ်များတူညီလာကြတော့ ငြိမ်းချမ်းသာ ယာစွာနဲ့ဂန္ထဓုတ (စာပေသင်ကြား၊ ပို့ချခြင်း) အလုပ်၊ ၀ိပဿနာဓုတ (၀ိပဿနာတရားအားထုတ်ခြင်း၊ ပွားများခြင်း) အလုပ်များကို ညီညီညွတ်ညွတ်နဲ့လုပ်နိုင်ခဲ့ကြတယ်။ မြတ်ဗုဒ္ဓက ဝေနေယျတို့အား ဒီနည်းကို အသုံးပြုပြီး အခြေခံလယ်ဗယ်များကို အနီးစပ်ဆုံးညီအောင် ညှိခဲ့ တာပါ။ စဉ်းစားနိုင်ဖို့ပါ။
ဒီမိုကရေစီရဲ့စံနစ်အောက်မှာ ပြည်သူပြည်သားတွေရဲ့ဘ၀တွေ ငြိမ်းချမ်းစွာ အတူယှဉ်တွဲနေနိုင်ဖို့အတွက် အသိတရားနဲ့အခြေခံလူနေမှုဘ၀ လယ်ဗယ်ညီဖို့တော့ လိုမှာပါ။ အကယ်၍များ ဆင်းရဲလွန်းသူတွေက သိပ်များနေပြီး၊ ချမ်းသာလွန်းသူတွေက သိပ်နည်းလွန်းနေသေးရင် အခြေခံလယ်ဗယ်များ ညီဖို့မလွယ်ပါ။ ပညာရေး၊ စီးပွားရေး၊ ကျန်းမာရေးကအစ လူနေမှုဘ၀ အဆင့်အတန်းများကို ညှိဖို့ဆိုတာ အနီးစပ်ဆုံး လယ်ဗယ်ညီတဲ့ အဆင့်တန်းတစ်ခု အထိ ရောက်လာနိုင်ပါမှ ဖြစ်နိုင်မယ်လို့ယုံကြည်ထားမိလို့ပါ။ ဦးစွာပထမ ပြည်သူပြည်သားတွေကို အသိတရားနဲ့ဒီမိုကရေစီစံနစ်ရဲ့အနှစ်သာရများကို သိရှိနားလည်လာနိုင်အောင် ပြုလုပ်ပေးကြရမှာပါ။ တချိန်တည်းမှာပဲ စီးပွားရေး၊ ပညာ ရေး၊ ကျန်းမာရေးနယ်ပယ်စသည်များ၌ ၀င်ငွေများများရှိသူများ၊ ရောင်းခွန်၊ ၀ယ်ခွန် အမြတ်အစွန်းများများ ရနေသူများထံမှ အခွန်အခများကို တိုးမြှင့်ကောက်ယူပြီး၊ ၀င်ငွေနည်းသူများ၊ ရောင်းခွန်၊ ၀ယ်ခွန် အမြတ်အစွန်း နည်းပါးသူများထံမှ အခွန်အခများကို လျှော့ပေါ့ကောက်ကြ ရမှာပါ။ အချိန်နဲ့တပြေးညီဆိုသလို ပြည်သူတွေရဲ့ဘ၀ အသိတရားများ မြင့်မားတိုးတက်လာနိုင်စေရန် ပညာရေးစံနစ်များကို နိုင်ငံတကာစံ နှုန်းများနဲ့အညီ ဆောင်ရွက်ပေးကြရမှာပါ။
ဒီနေရမှာ ပြည်သူတွေရဲ့ လူနေမှုအဆင့်အတန်းများ တိုးတက်မြင့်မာလာနိုင်စေရန် အကယ်ဒမစ် အက်ဒျူကေးရှင်း (Academic Education) မျိုးကိုချည်း ရည်ရွယ်ပြောလိုခြင်းမဟုတ်ပါ။ အခြေခံဖြစ်ပြီး အသိပညာများကိုတိုးပွးစေနိုင်တဲ့ ပြည့်သူတို့သိသင့်တဲ့ စီဗစ်အက်ဒျူ ကေးရှင်း (Civic Education) မျိုးတို့လို၊ အီကိုနိုမစ်ခ် အက်ဒျူကေးရှင်း (Economic Education) မျိုးတို့လို၊ မော်ရယ် အက်ဒျူကေးရှင်း (Moral Education) မျိုးတို့လို၊ ဟဲလ်သ် အက်ဒျူကေးရှင်း (Health Education) စတဲ့ အက်ဒျူကေးရှင်း စတဲ့ပညာရေးမျိုးတို့ကိုပါ တပါ တည်း တိုးမြှင့်ဆောင်ရွက်ပေးကြရမှာပါ။
အကယ်ဒမစ် အက်ဒျူကေးရှင်း (ကျောင်းသင်ခန်းစာပညာရေး) မျိုးဆိုတာ မြန်မာပြည်မှာမွေးဖွားတဲ့ ကျောင်သား၊ ကျောင်းသူတိုင်း အ ထက်တန်းပညာကို မသင်မနေရပညာရေးမျိုး၊ အခမဲ့ပညာရေးမျိုးဖြစ်လာသည်အထိ ဆောင်ရွက်ပေးနိုင်ကြဖို့ပါ။ စီဗစ်အက်ဒျူကေးရှင်း (ပြည်သူ့ပညာရေး) မျိုးဆိုတာ နိုင်ငံမှာကျင့်သုံးနေတဲ့ ဒီမိုကရေစီစံနစ်ရယ်၊ နိုင်ငံကိုအုပ်ချုပ်နေတဲ့ ဒီမိုကရေစီအစိုးရက ပြည်သူတွေအတွက် ဘာတွေလုပ်ပေးနိုင်တယ်၊ ဘာတွေလုပ်ပေးရမယ်ဆိုတာမျိုးတွေကို ပြည်သူတွေသိရှိဖို့ ပညာပေးရမဲ့ ပညာရေးမျိုးပါ။ ပြည်သူတွေဖက်ကလဲ တိုင်းပြည်အတွက် ဘာတွေလုပ်ပေးရမယ်၊ ဘာတွေလုပ်ပေးနိုင်တယ်ဆိုတာတွေကို ပြည်သူတွေသိရှိလာအောင် ပြုလုပ်ပေးရတဲ့ ပညာရေး မျိုးပါ။ အီကိုနိုမစ်ခ် အက်ဒျူကေးရှင်း (စီးပွားရေးဆိုင်ရာပညာရေး) မျိုးဆိုတာ လယ်ယာစိုက်ပျိုးခြင်း၊ ရောင်းဝယ်ဖောက်ကားခြင်းစတဲ့ အ ခြေခံစီးပွားရေးစံနစ်များကို ကိုယ့်ပြည်သူပြည်သားတွေ သိရှိလာအောင် တစ်နိုင် တစ်ပိုင် စီးပွားရေးကအစ ကြီးကျယ်တဲ့စည်းပွားရေးလုပ်ငန်း များကိုလုပ်ချင်လာအောင် ပညာပေးရတဲ့ပညာရေးမျိုးပါ။ မော်ရယ် အက်ဒျူကေးရှင်း (ကိုယ်ကျင့်သိက္ခာ၊ ပြည်သူ့နီတိဆိုင်ရာပညာရေး) မျိုးဆိုတာ ကိုယ့်ကျင့်သိက္ခာမြင့်မားမှ ပြည်သူတို့ဘ၀တိုးတက်နိုင်ပုံနှင့် ပြည်သူတွေရဲ့ဘ၀တွေတိုးတက်မှ တိုင်းပြည်တိုးတက် နိုင်ပုံစသည် များကို ပြည်သူတွေသိရှိလာအောင်ပညာပေးရတဲ့ ပညာရေးမျိုးပါ။ ဟဲလ်သ် အက်ဒျူကေးရှင်း (ကျန်းမားရေးဆိုင်ရာ ပညာရေး) မျိုးဆိုတာ ကျန်းမာရေးနဲ့ပတ်သက်တဲ့ အသိတရားများ ပြည်သူပြည်သားများရဲ့ သိရှိလာအောင်၊ ထို့နောက် ကျန်းမားရေးများ လိုက်စားတတ်လာအောင်၊ လိုက်စားချင်လာအောင် လှုံ့ဆော်ပေးရတဲ့ ပညာရေးမျိုးပါ။
ပြည်သူ၊ ပြည်သားတွေအများစုထင်ထားတာက ရွေးကောက်ပွဲမှာ တိုင်းပြည်အတွက်မဲထည့်ပြီးရင် ပြည့်သူတွေရဲ့တာဝန်တွေ ကျေပြွန်ပြီ ရယ်လို့ထင်နေကြတာ။ မြန်မာနိုင်ငံဟာ အခုမှ ဒီမိုကရေစီစံနစ်ကို ပြန်လည်ကျင့်သုံးရမှာဖြစ်လို့ စည်းကမ်းပြည့်ဝတဲ့ ဒီမိုကရေစီနိုင်ငံတောကြီး ဖြစ်နိုင်ဖို့ ပြည်သူတွေလိုက်နာရမဲ့ စည်းမျဉ်းစည်းကမ်းတွေကို ပြည်သူတွေသိအောင်ပညာပေးဖို့ အများကြီးလိုနေသေးတယ်ဆိုတာ ပြည် သူတွေ သဘောပေါက်နိုင်ကြဖို့ပါ။ ဒီမိုကရေစီစံနစ်ကိုကျင့်သုံးရာမှာ သူရဲကောင်းဝါဒမျိုးကို ကျင့်သုံး၍မရနိုင်သလို၊ ဟီရိုးဝါ့ရှစ်လို့ခေါ်တဲ့ သူရဲကောင်းကိုးကွယ်မှုဝါဒမျိုးကိုလည်း ကျင့်သုံး၍ရနိုင်မည်မဟုတ်ပါ။
ဒီမိုကရေစီစံနစ်ကိုကျင့်သုံးတော့မယ်ဆိုရင် အခြေခံဖြစ်တဲ့ လူ့အခွင့်အရေးများကို လေးစားလိုက်နာတတ်ဖို့ပါ။ ဥပမာ၊ ရဟန်းရှင်လူတွေကို စိတ်အနှောက်အယှက်ဖြစ်စေနိုင်တဲ့ အသံချဲ့စက်ကြီးတွေကို နေ့မရှောင်၊ ညမရှောင် စိတ်ထင်တိုင်း ဖွင့်ခြင်းမျိုးတွေ၊ အမှိုက်တွေကို တွေ့ ကရာပြစ်၊ ကွမ်းတွေးကို တွေ့ကရာထွေး၊ ဆေးလိပ်တို၊ ပလပ်စတစ်၊ ဖျော်ရည်ဗူးခွံတွေကို တွေ့ကရာပစ်ချ၊ စည်းကမ်းရှိစေချင်တဲ့လူက တွေ့လို့ (မြင်လို့) အကျိုးသင့် အကြောင်းသင့်ဝင်ပြောပြရင် “မင်းကဘာကောင်မို့လဲ’’ ဆိုတဲ့ ရန်လိုတဲ့အကြည့်နဲ့ တုန့်ပြန်မှုမျိုးတွေကို ဆက် လက်မပြုလုပ်သင့်တော့ဘူးဆိုတာတွေကို ပြည်သူတွေသိထားနိုင်ဖို့ပါ။
ဒီမိုကရေစီစံနစ်ဆိုတာ ကယ်တင်ရှင်ဝါဒမဟုတ်သလို၊ စည်းမဲ့ကမ်းမဲ့ဝါဒမျိုးလဲမဟုတ်ပါ။ တကယ်တော့ ပြည်သူတွေရွေးချယ်တင်မြောက်ထားတဲ့ နိုင်ငံတော်အစိုးရမှ ချမှတ်လာတဲ့ မူဝါဒရေးရာများကို ပြည်သူ၊ ပြည်သားတွေက အတူပူးပေါင်းပြီး လိုက်နာဆောင်ရွက်ဖို့၊ အကောင် အထည် မဖေါ်နိုင်သေးတဲ့မူဝါဒရေးရာများကို ပြည်သူတွေက အခွင့်အခါသင့်တိုင်း အကြံပြုပြောဆိုကြဖို့ (စွမ်းနိုင်ရင် စာစောင်များ၊ မဂ္ဂဇင်း များမှတဆင့် အကြံပြုစာများရေးသားခြင်း စသည်များကို ပြုလုပ်ကြဖို့ပါ)။ ထိုထက်ပို၍စွမ်းနိုင်ရင် နိုင်ငံတော်မှ ပြည်သူများအတွက် ဆွေး နွေးပွဲများ၊ ကွန်ဖရင့်စ်များ၊ ဆီမီနာများ၊ အလုပ်ရုံဆွေးနွေးပွဲများ ပြုလုပ်ပေးဖို့ပါ။ ပြုလုပ်ပေးလာတဲ့အခါမျိုးမှာလဲ ပြည်သူများက ပါဝင်ဆွေး နွေးနိုင်ဖို့ပါ။ ထိုအတွက် သုတေသနစာတမ်းများ ကြိုတင်ပြုစုထားခြင်း၊ ဘာသာရပ်ဆိုင်ရာ စာအုပ်၊ စာပေများကို ကြိုတင်ဖတ်ရှုထားခြင်း မျိုးတွေကို ပြုလုပ်ထားကြရမှာပါ။ ထိုလို့ပြုလုပ်ထားခြင်းဖြင့် ထိုအသိတရားများကိုအခြေခံလျက် တိုင်းပြည်အတွက် အကြံပြုပြောကြားခြင်း များကို ကိုယ်တိုင်ပါဝင်ဆောင်ရွက်နိုင်ကြဖို့ပါ။
ထိုလို့ပြုလုပ်နိုင်ဖို့အတွက် ပြည်သူတွေ ဒီမိုကရေစီစိတ်ဓာတ်တွေ၊ ဒီမိုကရေစီအရည်အသွေးတွေ ပြည့်ဝလာအောင် စာအုပ်စာပေများကို များများဖတ်ရှကြဖို့ပါ။ ဒီမိုကရေစီကျင့်ထုံးဆိုင်ရာ အသိဉာဏ်များရှိလာပြီး ကိုယ့်အခွင့်အရေးများကို ကိုယ်တိုင်သိထားနိုင်ကြဖို့ပါ။ ဥပမာ – ဒီမိုကရေစီစံနစ်ကို ပီပြင်စွာကျင့်သုံးနိုင်ပြီးဖြစ်တဲ့ အမေရိကန်နိုင်ငံတို့လို နိုင်ငံမျိုးတွေမှာ ၅ နှစ်၊ ၆ နှစ်အရွယ် ကလေးငယ်တစ်ယောက်ကို ဖထွေးလုပ်သူက နှိပ်စက်ညှင်းပမ်းမှုမျိုးကိုပြုလုပ်ခဲ့ရင် ထိုကလေးငယ်က ရဲဌာနလို့တယ်လီဖုန်းဖြင့် ဆက်သွယ်တိုင်ကြားခြင်းကို ပြုလုပ် နိုင်ခြင်းမျိုးပါ။ ထိုကလေးငယ်ဟာ သူ့အခွင့်အရေးကို သူကိုယ်တိုင် တရားဥပဒေနဲ့အညီ ကာကွယ်နိုင်ခြင်းမျိုးပါ။ မယားကို လင်ဖြစ်သူက ကိုယ်ထိလက်ရောက်နှိပ်စက်ခဲ့ရင် အားနွဲ့တဲ့မိန်းမသားများက ရဲကိုတိုင်ကြားပြီး တရားဥပဒေဖြင့် ကိုယ့်ကိုယ်ကိုကာကွယ်နိုင်ခြင်းမျိုးပါ။ မြန်မာပြည်ရဲ့ဒီမိုကရေစီကျင့်ထုံးမှာ ဒီလိုအခြေအနေမျိုးလို့ရောက်ရှိနိုင်ဖို့ ဘယ်လောက်ကြာအောင်စောင့်ဆိုင်းကြရဦးမည်ဆိုတာကိုတော့ ဘယ်လူ၊ ဘယ်နတ်၊ ဘယ်ဗြဟ္မာမှ သိနိုင်ဦးမည်မဟုတ်ပါ။
ထို့ကြောင့် စည်းကမ်းပြည့်ဝတဲ့ဒီမိုကရေစီးစံနစ်ကိုတည်ဆောက်နိုင်ဖို့ ပြည်သူ၊ ပြည်သားတွေ စိတ်ရှည်ရှည်ထားပြီး ဒီမိုကရေစီအသွင်ကူးပြောင်းရေးကာလမှာ သွေးစည်းနိုင်ကြဖို့ပါ။ ကိုယ်တိုင်ပါဝင်နိုင်ကြဖို့ပါ။ ပြည်သူပြည်သားများရဲ့စိတ်ထဲမှာ ရွေးကောက်ပွဲနှင့်စပ်လျဉ်း၍ အသိ မရှင်း၊ မလင်းဖြစ်နေတဲ့အချက်တစ်ခုက ရွေးကောက်ပွဲကို ယှဉ်ပြိုင်ရွေးကောက်ခံကြစဉ်အခါက ကိုယ့်ပါတီအောင်နိုင်ရေးအတွက် မလွှဲသာ၊ မရှောင်သာ၍ မဲဆွယ်လုပ်ငန်းများကို ပြုလုပ်ခဲ့ကြရသော်လည်း ရွေးကောက်ပွဲကြီးပြီးသွားတဲ့အခါမှာတော့ ပါတီစိတ်များကို ခ၀ါချပြီး၊ ဒီမို ကရေစီနိုင်ငံတော်ရဲ့ အလံတော်အောက်မှာ နိုင်ငံနဲ့လူမျိုးအတွက် ပြည်ထောင်စုစိတ်ဓာတ်များကို မွေးမြူနိုင်ဖို့ဆိုတဲ့အချက်ပါ။
ဒီမိုကရေစီစံနစ်မှာ အတိုက်အခံပါတီဆိုတာ ရှိစမြဲပါ။ ထိုအတိုက်အခံပါတီရှိမှ နိုင်ငံတော်တိုးတက်တာပါ။ ဘာ့ကြောင့်လဲဆိုရင် လက်ရှိအစိုး ရက လာဘ်ပေး လာဘ်ယူ စတဲ့မကောင်းတာတွေပြုလုပ်နေခဲ့ရင် ကန့်ကွက်ဖို့ပါ။ တကယ်တော့ ပါတီအတွင်းမှလည်း တိုင်းပြည်ကိုနစ်နာ စေမဲ့ကိစ္စမျိုးတွေဖြစ်နေခဲ့ရင် ကန့်ကွက်ကြဖို့ပါ။ တိုင်းပြည်အတွက် မှန်ကန်တဲ့လုပ်ဆောင်မှုမျိုးတွေကို လုပ်နေတယ်ဆိုရင်တော့ ပါတီတွင်း ပဲဖြစ်ဖြစ်၊ အတိုက်အခံပဲဖြစ်ဖြစ် အားလုံးက ၀ိုင်းထောက်ခံပေးကြရမှာပါ။ လက်ရှိအစိုးရက ကောင်းတာပဲလုပ်လုပ်၊ မကောင်းတာပဲလုပ်လုပ် အမြင်ကပ်ကပ်နဲ့အမြဲတမ်း ဆန့်ကျင်ဘက်မျိုးချည်း ပြုနေမယ်ဆိုရင်တော့ “ဘုပြောဘေးထိုင် အတိုက်အခံမျိုး’’ လို့ဆိုရမှာပါ။
မြတ်ဗုဒ္ဓရဲ့ တရားတော်များမှာတော့ မှားတာကိုထောက်ပြပြောဆိုရာမှာ အကျိုးလိုလားတဲ့စိတ်နဲ့ ထောက်ပြပြောဆိုသူများကို ကလျာမိတ္တ (မိတ်ဆွေကောင်း) လို့ သတ်မှတ်ပြောဆိုထားခြင်းပါ။ နောက်ပြီး ဘုရားဟောတရားတော်များမှာ အများဆန္ဒနဲ့ပြုလုပ်ရတဲ့ကိစ္စမျိုးတွေမှာ ကျင့်ထုံးနှစ်ရပ်ကို ထည့်သွင်းဟောကြားထားခဲ့တာဟာလဲ စိတ်ဝင်စားစရာပါ။
နံပတ် (၁) ကျင့်ထုံးက သဘောတူရင် ဆိတ်ဆိတ်နေရတဲ့ ကျင့်ထုံးမျိုးပါ။ ကိစ္စကြီးငယ်၊ ပြဿနာကြီးငယ် သံဃာ့အလယ်မှာ ပေါ်ပေါက်လာ တဲ့အခါမျိုးမှာ ထိုပြဿနာကို ငြိမ်းအေးစေနိုင်ရေးအတွက် သံဃာတော်များကို သိမ်လို့ခေါ်တဲ့ သံဃာများရဲ့အစည်းအဝေးခန်းမထဲကို ဖိတ် ကြားပြီး၊ သံဃာ့အလယ်မှာ ဖြစ်ပေါ်နေတဲ့ပြဿနာကို တင်ပြရတဲ့ကျင့်ထုံးမျိုးပါ။ သံဃသမ္မုတိရတဲ့သံဃာတော်က သံဃာတော်များကို သုံး ကြိမ်တိုင်တိုင် လျှောက်ထားပြောကြားရပြီး၊ ထိုပြဿနာအတွက် ဒီလိုဒီလို သံဃာတော်များက ဆောင်ရွက်ကြပါမယ် အရှင်မြတ်တို့ဘုရား။ အရှင်ဘုရားများ သဘောတူရင် ဆိတ်ဆိတ်နေတော်မူကြပါ။ သဘောမတူရင် ကန့်ကွက်တော်မူကြပါလို့ လျှောက်ထားတဲ့ ၀ိနည်းကျင့်ထုံးပါ။ မြန်မာနိုင်ငံရဲ့ဒီမိုကရေစီစံနစ်မှာ ဘုရားကျင့်ထုံးတွေကို ကျင့်သုံးမယ်ဆိုရင် အကျိုးများပြီး၊ စည်းကမ်းပြည့်ဝတဲ့ဒီမိုကရေစီနိုင်ငံတောကြီး ဖြစ်လာမှာ သေချာသလောက်ပါ။ ၀ိုင်းဝန်းစဉ်းစားနိုင်ဖို့ပါ။
နံပတ် (၂) ကျင့်ထုံးက သံဃာအဖွဲ့ဝင်များအားလုံး အပြန်အလှန်ဖိတ်ကြားရတဲ့ကျင့်ထုံးမျိုးပါ။ တစ်နှစ်တစ်ခါ သီတင်းကျွတ်လပြည့်နေ့မှာ သံဃာအချင်းချင်း သီမာလို့ခေါ်တဲ့ သံဃအစည်းအဝေးခန်းမကြီးထဲမှာ အပြန်အလှန် မထေရ်ကြီးက အရင်စပြီး (သံဃာငယ်များအထိ) သံ ဃာကို ပ၀ါရဏာ (ဖိတ်ကြားခြင်း) ပြုတဲ့ဝိနည်းကျင့်ထုံးပါ။ ၀ိနည်း မဟာဝဂ္ဂပါဠိတော်မှာ – “သံဃံ အာဝုသော (ဘန္တေ) ပ၀ါရေမိ ဒိဋ္ဌေန ၀ါ သုတေန ၀ါ ပရိသင်္ကာယ ၀ါ ၀ဒန္တမံ အာယသ္မန္တော အနုကမ္ပံ ဥပါဒါယ။ ပဿန္တော ပဋိကရိဿာမိ။ ဒုတိယမ္ပိ အာဝုသော … အနုကမ္ပံ ဥပါဒါ ယ။ တတိယမ္ပိ အာဝုသော … အနုကမ္ပံ ဥပါဒါယ” * ပါဠိတော်ရဲ့ မြန်မာပြန်က “ငါရှင်တို့ (အရှင်ဘုရားတို့) သံဃာကို ဖိတ်ကြားပါ၏။ မြင်၍ ဖြစ်စေ ကြား၍ဖြစ်စေ ယုံမှား၍ဖြစ်စေ အရှင်တို့သည် တပည့်တော်အား အစဉ်သနားခြင်းကို အကြောင်းပြု၍ ပြောဆို (ဆုံးမ) ကြပါ၊ (အပြစ် ကို) မြင်သည်ရှိသော် (အပြစ်ရှိခဲ့သော်) (တပည့်တော်) ကုစားပါအံ့။ (နှစ်ကြိမ်မြောက်…သုံးကြိမ်မြောက် …ဖိတ်မံရခြင်းပါ)။
ဘုရားရှင်ရဲ့ဝိနည်းတော်မှာ မိမိက ကြီးသူရယ်လို့ (ရာထူးကြီးသူ၊ အာဏာအရှိန်အ၀ါကြီးသူရယ်လို့) ချွင်းချက်ထားပြီး ကျင့်သုံးရခြင်းမျိုး မဟုတ်ပဲ၊ သံဃာပရိသတ်အလယ်မှာ ကြီးကြီးငယ်ငယ် အရွယ်အားလုံး အပြစ်ရှိရင်ရှိသလို အပြစ်ကိုထောက်ပြကြဖို့ ဖိတ်မံရခြင်းပါ။ အတု ယူလောက်စရာပါ။ ဒီမိုကရေစီစံနစ်ကိုကျင့်သုံးလိုတဲ့အစိုးရများ၊ ပြည်သူများ သတိမူစရာလည်းကောင်း၊ လိုက်နာကျင့်သုံးဖို့လည်းကောင်းတဲ့ ကျင့်ထုံးတစ်ခုလို့ဆိုရမှာပါ။
အဲဒီမှာ အထူးသတိမူသင့်တဲ့အချက်တခုက အပြစ်ပြုထားတာကို မြင်ခဲ့သော်၊ ကြားခဲ့သော်၊ ယုံမှာသံသယများ ရှိနေခဲ့သော် အစဉ်သနား ခြင်းကိုအကြောင်းပြု၍ (ဆိုလိုတာက မေတ္တာစိတ်၊ ကရုဏာစိတ်များဖြင့်) အပြစ်ကို ထောက်ပြကြပါတဲ့။ အပြစ်ကိုကုစားပါမယ် အရှင်ဘုရား တို့တဲ့။ အချင်းချင်းကြားမှာ အမျက်ဒေါသတွေ၊ အာဃာတတရားတွေ ကင်းနေရှင်းနေတာကို သတိပြုမိကြမှာပါ။ မနာလိုစိတ်၊ ၀န်တိုစိတ်၊ နာကျည်းစိတ်၊ ချေမှုန်းစိတ်၊ နှိပ်ကွပ်လိုတဲ့စိတ်မျိုးနဲ့မဟုတ်ပဲ အပြစ်ကိုထောက်ပြတော်မူကြပါလို့ ဖိတ်မံခြင်းပါ။ သင်ပုန်းခြေ၀ါဒမျိုးကို ကျင့် သုံးနိုင်ဖို့ ဘုရားရှင်ရဲ့ဝိနည်းကျင့်ထုံးဟာ မြန်မာပြည်သူ၊ ပြည်သားတွေအတွက် စံထားလောက်တဲ့ ကျင့်ထုံးဥပဒေတစ်ခုပါ။ လေးလေးနက် နက် စဉ်းစားနိုင်ကြဖို့ပါ။
ယိုယွင်းသွားတဲ့စံနစ်တစ်ခုကို စံနစ်တစ်ခုနဲ့အစားထိုးပြီး ပြုပြင်ပြောင်းလဲရတယ်ဆိုတာ လွယ်ကူလှတဲ့အရာတော့မဟုတ်ပါ။ စံနစ်ကောင်းမွန် ဖို့အတွက် (လို့မဟုတ်) ကောင်းမွန်တဲ့စံနစ်တစ်ခုကို ကျင့်သုံးနိုင်ဖို့အတွက် အစိုးရမှာ တာဝန်ရှိသလို၊ ပြည်သူတွေမှာလည်း တာဝန်မကင်းပါ။ စံနစ်တစ်ခုအတွက် တိကျတဲ့မူတစ်ခုကို မချနိုင် သေးတဲ့အခါ (လို့မဟုတ်) ဥပဒေဖြင့် အတည်ပြုပြဋ္ဌာန်းပေးနိုင်ခြင်းမျိုး မရှိသေးတဲ့အခါမျိုးမှာ ပြည်သူ၊ ပြည်သားတွေ စိတ်ရှည်ရှည် ထားနိုင်ဖို့ပါ။ ဥပဒေပြု၍ အတည်ပြု ပြဋ္ဌာန်းပေးပြီးပြီဆိုရင်တော့ ပြည်သူ၊ ပြည်သားများ အသိတရားဖြင့် လိုက်နာနိုင်ကြဖို့ပါ။ စည်းကမ်းပြည့်ဝတဲ့ ဒီမိုကရေစီစံနစ်ကြီး အောင်မြင်နိုင်ဖို့ဆိုတာ ပြည်သူ၊ ပြည်သားတွေအပေါ်မှာ များစွာမူတည်နေလို့ပါ။ စစ်မှန်တဲ့ဒီမိုကရေစီစံနစ်ကို ကျင့်သုံးနိုင်ပြီဆိုရင် ပြည်သူတွေကိုသာ ပြည်သူတွေလို့ပြောလို့မရနိုင်တော့ပါ။ အုပ်ချုပ်သူ အစိုးရအဖွဲ့ဝင်များ သည်လည်း ပြည်သူထဲကပြည်သူတွေပဲဆိုတာ သိထားကြဖို့ပါ။
ပြည်သူထဲက ပြည်သူတွေအုပ်ချုပ်တဲ့ ဒီမိုကရေစီအုပ်ချုပ်ရေးစံနစ်မှာ ပြည်သူများရဲ့အကျိုးကို အုပ်ချုပ်သူအစိုးရက စံနစ်တကျ ဆောင်ရွက် နိုင်ဖို့ ပြည်သူတွေ စည်းကမ်းရှိကြဖို့ပါ။ ဒီမိုကရေစီစံနစ်မှာ “တန်းတူအခွင့်အရေးသည် လူတိုင်းအတွက်ဖြစ်တယ်။ ဒါပေမဲ့ လူတိုင်းတန်းတူ အခွင့်အရေးကို မရနိုင်ဘူး’’ ဆိုတဲ့စကားကို လူတိုင်းသိထားနိုင်ဖို့ပါ။ ဆိုလိုတာက ကိုယ်တိုင်က ဘာမှမလုပ်ပဲနေခဲရင် ကိုယ်အတွက် ဘာ မှမရနိုင်ဘူးဆိုတာ သိစေချင်တဲ့သဘောပါ။ ပြောသင့်တာကိုမပြောဘဲ ဆိတ်ဆိတ်နေနေခဲ့ကြမယ်ဆိုရင် သို့မဟုတ် သူတို့ဘာလုပ်လုပ် ပြည်သူနဲ့မဆိုင်ဘူးလို့ လျစ်လျူရှုနေကြမယ်ဆိုရင် Citizen’s silence threatens Democracy** (ပြည်သူတွေနှုတ်ဆိတ်နေခြင်းဟာ ဒီမို ကရေစီကို ခြိမ်းခြောက်နေခြင်းတမျိုးပါ) ဆိုတဲ့ အဆိုအမိန့်လေးကို အမြဲအမှတ်ရနေကြဖို့ပါ။ ချမ်းသာစွာ အိပ်စက်နိုင်ကြပါစေ။
မှတ်စု –
* ၀ိနယပိဋက မဟာဝဂ္ဂပါဠိ – စာမျက်နှာ ၂၂၃
** မဟာဝဂ္ဂပါဠိတော် မြန်မာပြန် – စာမျက်နှာ ၂၂၂
http://moemaka.com/2012/05/23309/

ရှင်အရဟံမထေရ် သမုတ်တော်မူခဲ့သည့် သိမ်တော်များ

သာသနာတော် စတင်ထွန်းကားရာ အချိန်သည် အေဒီ (၁) ရာစုမှ အေဒီ (၁၀) ရာစုတိုင် ထွန်းကားခဲ့သည်။ ထိုအချိန်သည် ရာမည (မွန်)ခေတ်အချိန်ဖြစ်ကြောင်း သမိုင်းများအရ သိရသည်။ မွန်လူ မျိုးတို့၏ အောက်မြန်မာပြည် ရာမညတိုင်း တစ်ခုလုံးရှိ တန်ခိုးကြီး စေတီများနှင့် မြို့ဟောင်းများတွင် ဗုဒ္ဓ သာသာနိက အဆောက်အအုံလက်ရာများကို ယနေ့တိုင် တွေ့နိုင်သည်။ ပုဂံခေတ် သေလည်ကြောင်မင်း လက်ထက်မှ အနော်ရထာမင်း မတိုင်မီ ကာလအထိ မင်းအဆက်ဆက်နှင့် ရဟန်း သံဃာတော် အဆင့်ဆင့်တို့ ခေတ်ကာလ အဆက်ဆက် ဖြတ်သန်း ဆင်းသက်လာရာမှ အကြောင်း အမျိုးမျိုးကြောင့် သာသနာတော်၌ ဒေသနာကျင့်ဝတ်များအတိုင်း မလိုက်နာ နိုင်ကြဘဲ ချွတ်ယွင်းအားနည်း၍ လာခဲ့သည်။
ပုဂံမင်း ၁၂ ဆက်မြောက်၊ သိုက်တိုင်မင်း (အေဒီ ၅၁၆ - ၅၂၃) လက်ထက်မှစ၍ ရဟန်းကောင်း၊ ရဟန်းမြတ်တို့၏ အကျင့်သီလများ ဆိတ်သုဉ်းကွယ်ပျောက်လုနီး ဖြစ်ခဲ့သည်။ သာသနာတော်၏အသက် ပိဋကတ်တော် (ပရိယတ္တိစာပေ) လည်း မရှိသေး၍ သမထီးခေါ် အရည်းကြီးတို့၏ အယူဝါဒများ လွန်စွာ ထွန်းကားလာသည်။
ပုဂံမင်းဆက် ၂၀ မြောက်၊ ပုပ္ပါးစောရဟန်းမင်း (အေဒီ ၆၁၃ - ၆၄၀) လက်ထက်တွင် မင်းနှင့်ပြည်သူအားလုံး အရည်းကြီး တို့၏ အယူဝါဒကို လိုက်နာ ကြတော့သည်။ အရည်းကြီးတို့သည် (ထေရ၀ါဒ) ရဟန်းများကဲ့သို့ အ၀ါရောင် သင်္ကန်း (၀ိနည်းနှင့်အညီ သင်္ကန်း) များကို ၀တ်ရုံခြင်း မရှိဘဲ၊ အပြာ၊ အနက်၊ အမည်း၊ အညိုရောင် စသည့် (သင်္ကန်း မမည်သည့်) အ၀တ်များကို ၀တ်ရုံကြသည်။ ဦးခေါင်းကို (ဗုဒ္ဓအလိုကျ) ဦးပြည်းရိတ်ခြင်း မပြုဘဲ ဆံပင်ကို လက်လေးသစ်၊ လက်တ၀ါးအထိ ထား၍ ဦးထုပ်များကိုလည်း ဆောင်းကြသည်။ ထိုအခြင်းကို အစွဲပြုရည်သန်၍ စလေ ဦးပုညက (ရှေးအတီတေ၊ ပုဂံပြည်တွင်၊ ဆံကေသာ လက်လေးသစ်၊ မုတ်ဆိတ်မွေး ဗရပျစ်၊ မဲညစ်သည့် စီဝရံနှင့်၊ တာတေလံ အကျင့်ဆိုးသော၊ ရှင်သိုးတကာ့ ခေါင်ကြီး၊ ရှင်မထီး) ဟူ၍ စပ်ဆိုခဲ့ပါသည်။
သူတို့သည် ဆင်စီး၊ မြင်းစီး၍ လက်ဝှေ့လည်း သတ်ကြသည်။ နွားများကို မွေးမြူ၍လည်း ရောင်းစားကြသည်။ ထိုအရည်းကြီး တို့သည် ခြောက်ကျိပ် ရှိကြောင်းနှင့် တပည့် ခြောက်သောင်း ရှိကြောင်းကိုလည်း မှတ်တမ်းများက ဆိုသည်။ သူတို့၏ အယူဝါဒမှာ ဗုဒ္ဓမြတ်စွာ၏ ဒေသနာနှင့် ဆန့်ကျင်ဘက် မိမိ သဘောအတိုင်း ကျမ်းဂန်များကို ရေး၍ လူအများကို လှည့်ဖြား သွေးဆောင်ခြင်း ဖြစ်သည်။ သူတို့၏ အဓိက တရားမှာဂါထာ မန္တရားများကို ရွတ်၍ မန်းမှုတ်ခြင်း ဖြစ်သည်။
သူ့အသက်ကို သတ်မိသောသူသည် ပရိတ် (မန္တန်)ကို ရွတ်သော် ကမ္မပထမှ လွတ်၏။ မိဘကို သတ်မိသောသူသည် ဤပရိတ် (မန္တန်)ကို ရွတ်သော် ပြေပျောက်၏။ စသည်တို့ဖြစ်သည်။ သူတို့၏ ရွံရှာစက်ဆုပ်ဖွယ်အကောင်းဆုံး အဓမ္မ၀ါဒမှာမင်း၊ မှူးမတ်၊ ကလန်၊ သံပျင်၊ သူဌေးသူကြွယ်၊ ပြည်သူတို့၏ သားသမီးများကို ထိမ်းမြားမင်္ဂလာ ပြုသောအခါ၌ “ပန်းဦး” လွှတ်သော အယုတ်တရားများ ဖြစ်သည်။
မြန်မာသက္ကရာဇ် ၄၀၆ (အေဒီ ၁၀၄၄) တွင် ပုဂံထီးနန်းကို စိုးစံသည့် အနော်ရထာမင်းစော၏ နန်းသက် (၉) နှစ်ကျော် (၁၀) နှစ်ခန့် အလွန်တွင် (သုဝဏ္ဏဘုမ္မိ) သထုံပြည်မှ ဓမ္မဒဿီအမည်ရှိ ရှင်အရဟံ မထေရ်သည် ပုဂံပြည်သို့ကြွလာ၍ ထေရ၀ါဒ သာသနာကို စတင်ပြန့်ပွားစေသည်။ ထိုအချိန်တွင် မွန်လူမျိုးတို့ ကြီးစိုးရာ တောင်ပိုင်းရာမညတစ်ခွင်၍ ဗုဒ္ဓသာသနာ နေရောင်လရောင်ပမာ ထွန်းပသည့် အချိန်ကာလလည်း ဖြစ်လေသည်။ ရှင်အရဟံ မထေရ်မြတ်သည် ရာမညတိုင်း သုဝဏ္ဏဘူမိဟု အမည်ထွင်သော သထုံပြည် ဇာတိဖြစ်ပြီး ထင်ရှားကျော်ကြားသော ကျမ်းဂန်တတ် မွန်လူမျိုး ရဟန္တာ မထေရ်မြတ်တစ်ပါး ဖြစ်ပါသည်။ ရှင်အရဟံ မထေရ်မြတ်သည် သာသနာ ပြုခြင်းအမှုကို လုပ်ဆောင်နိုင်ခြင်း အလို့ငှာ၊ သီတင်းသုံး နေထိုင်သည့် တောင်ပိုင်း ရာမည ပြည်မှသည် ဗုဒ္ဓသာသနာ မထွန်းကားသေးရာ အရည်းကြီး မထီးအယူဝါဒတို့ လွှမ်းမိုးရာ မြောက်ပိုင်းအရပ်သို့ ထွက်ခါလာခဲ့လေသည်။ ထိုအခါ မင်းနှင့် ပြည်သူအားလုံးတို့သည် စစ်မှန်သောထေရ၀ါဒ တရား၌သာ တည်ရုံမျှမက သထုံပြည်မှ ပိဋကတ်သုံးပုံ အစုံသုံးဆယ်နှင့် ဓာတ်တော်၊ မွေတော်များ၊ ရဟန်းသံဃာတော် အစစ်အမှန်များကို ပုဂံပြည်သို့ ပင့်စေသည်။
ရှင်အရဟံမထေရ်နှင့် အနော်ရထာမင်းတို့ ပူးပေါင်းလက်တွဲ၍ ပုဂံပြည်တွင် ပရိယတ္တိ၊ ပဋိပတ္တိ၊ ပဋိဝေဓ သာသနာတော် သုံးရပ်ကို တည်တံ့ ဖွံ့ဖြိုးစေသည်။ ရှင်အရဟံမထေရ်မြတ်နှင့်အတူ အရှင်ဉာဏ၊ အရှင်အာနန္ဒာ အရှင်သီလဗုဒ္ဓ မထေရ်မြတ်တို့လည်း လက်တွဲ၍ သာသနာပြုကြသည်။ ရှင်အရဟံမထေရ်သည် သာသနာတော်၏ အသက်တခုဖြစ်သော ယခင်က မရှိဖူးသေးသည့် သိမ်များကို ပုဂံနှင့် အနော်ရထာမင်းကြီး စိုးစံရာဒေသတို့တွင် ကျမ်းဂန် ဒေသနာတော်နှင့် လျော်ညီစွာ သမုတ်တော်မူခဲ့သည်။
အဆိုပါ သိမ်များအနက် (၀ိနယာလင်္ကာရ ဋီကာ အလိုအရ) စံနမူနာ အတိုင်းအတာအဖြစ် စံပြုရမည့် သိမ်မှာ မြင်းကပါ ရွာ၏ အရှေ့တောင် ကုသိနာရုံ ဘုရားအနီးရှိ သိမ်တော်ပင်ဖြစ်သည်။ ရှင်အရဟံမထေရ်မြတ် သမုတ်ခဲ့သည့် သိမ်များမှာ (မှတ်တမ်းများအရ) ၂၇ လုံးဖြစ်သည်။ ၄င်းသိမ်တို့မှာ ပုဂံ၏ အရှေ့ဘက်တွင် ၆ လုံး၊ တောင်ဘက်တွင် ၄ လုံး၊ မြောက်ဘက်တွင် ၄ လုံးတို့ဖြစ်သည်။ မိတ္ထီလာမြို့တွင် သိမ် ၉ လုံးနှင့် မန္တလေးမြို့တွင်လည်း ၄ လုံး တို့ဖြစ်ကြသည်။
ပုဂံ၏ အရှေ့ဘက်သိမ်တို့မှာ -
(၁) ရွှေစည်းခုံ ပရိဝုဏ်အတွင်းရှိ သိမ်ကြီး
(၂) ပုဂံနှင့် တယူဇနာ (၆ တိုင်နှင့် တာ ၄၀၀) ကွာ ငါ့သရောက်သိမ်
(၃) ဇီးကျမ်းရွာသိမ်
(၄) တစိုးမလည်ရွာသိမ်
(၅) နွားထိုးကြီးနှင့် ကျောက်ပန်းတောင်းကြားရှိ သိမ်
(၆) တောင်သာနယ်၊ ကျောက်ဆောင်သိမ်တို့ ဖြစ်သည်။
ပုဂံ၏တောင်ဘက် တယူဇနာအတွင်းရှိ သိမ်တို့မှာ -
(၁) ကွမ်းဖလားသိမ်
(၂) ကျောက်ပန်းတောင်း မြို့အနီး နှစ်ကျပ်ခွဲသိမ်
(၃) ထန်းပေါက်ကုန်းသိမ်
(၄) လယ်ယားသိမ် နှင့်
ပုဂံမြောက်ဘက် သိမ်တို့မှာ -
(၁) ညောင်ပင်လှ သိမ်
(၂) အိုင်ရေဦးစကန် သိမ်
(၃) ရေကြည် သိမ်
(၄) ကူရွာသိမ်တို့ ဖြစ်သည်။
မိတ္ထီလာမြို့ရှိ သိမ်တို့မှာ ကန်အထက်တွင် (၄ )လုံး၊ ကန်အောက် (၄) လုံး၊ မြို့လယ်တွင် (၁)လုံး တို့ဖြစ်သည်။ ၄င်းတို့မှာ -
(၁) ပဲသီတာ သိမ်
(၂) ကတ္ထုကံ သိမ်
(၃) ၀တ်ကျောက် သိမ်
(၄) ရှင်ပင်ကူ သိမ်
(၅) သားဖန်း သိမ်
(၆) ကလိန်ခြေ သိမ်
(၇) ကူဖြူ သိမ်
(၈) ကုန်းတောင်း သိမ်
(၉) ထီးသုံးဆင့် သိမ်တို့ဖြစ်သည်။
မန္တလေးမြို့နှင့် မန္တလေးမြို့အနီးရှိ သိမ်လေးလုံးမှာ -
(၁) သန်းခေါင်ယံ သိမ် (ပြည်ကြီးတံခွန်မြို့နယ် တံခွန်တိုင်ရပ်၊ ပြည်ကျောင်းတိုက်အတွင်းတွင်ရှိသည်)
(၂) နေ၀င်သိမ် (အောင်မြေသာဇံမြို့နယ်၊ ညောင်ကွဲ (၁၁) လမ်းတွင် ရှိသည်)
(၃) နေထွက်သိမ် (ပုသိမ်ကြီးမြို့နယ်၊ အောင်ပင်လယ် ဘိုတက်ကုန်းတွင်ရှိသည်)
(၄) မွန်းတည့်သိမ် (ချမ်းအေးသာဇံ၊ ပြင်ဦးလွင်ကားလမ်း၊ အနောက်ဘက်၊ ကန်ဘောက်ရွာတွင် ရှိသည်) တို့ဖြစ်သည်။
ရဟန်းလောင်းတို့ ဥပသမ္ပဒကံ ဆောင်ရာတွင် သမ္ပတ္တိ ငါးပါးအနက် သီမာသမ္ပတ္တိသည် အရေးကြီးသော အချက်တခုအဖြစ် ပါဝင်သည်။ ထို့ကြောင့် ရှင်အရဟံမထေရ်သည် မရှိမဖြစ် သိမ်များကို သာသနာတော် စည်ပင်ပြန့်ပွားစေရန် သမုတ်တော်မူ ခဲ့လေသည်။
ပခုက္ကူဆရာတော် ကျမ်းတတ်အကျော် အရှင်နန္ဒ၀ံသ မထေရ်မြတ်ကလည်း ရှင်အရဟံ မထေရ်မြတ်သည် ရဟန္တာ အစစ်ဖြစ်ကြောင်းကို ရွှေစည်းခုံဘုရား သမိုင်းတွင် မိန့်ကြားခဲ့ပါသည်။ အထောက်အထား အစုံအလင်နှင့် ဆိုပါသည်။
ထို့ကြောင့် ထေရ၀ါဒ သာသနာတော်၏ ကျေးဇူးရှင် ရှင်အရဟံမထေရ် သမုတ်တော်မူခဲ့သည့် သိမ်တော်များကို လေ့လာမှတ်တမ်းပြု၍ ရေးသားပူဇော်လိုက်ရပါသတည်း။
ကျမ်းကိုး။
-       ရှင်အရဟံ မထေရ်မြတ်၏ အတ္ထုပ္ပတ္တိနှင့် ရှင်အရဟံ အုတ်ကျောင်း ပြုပြင်တည်ဆောက်မှု မှတ်တမ်း။ ယဉ်ကျေးမှု ၀န်ကြီးဌာန။
-       မြန်မာ့ စွယ်စုံကျမ်း ။ အတွဲ -၁၄။
-       ( စလင်း-မောင်မွှေးကြိုင်)
-       Sima Hall (ရှင်အရဟံမထေရ် သမုတ်တော်မူခဲ့သည့် သိမ်တော်များ) (မောင်မွှေးကြိုင်)
-       သိမ်တော်များ နှင့်သက်ဆိုင်သော ဓမ္မမှတ်စုများ
-       မွန်သမိုင်း (သထုံ)။ 
http://www.phophtaw.org/burmese/index.php/knowledges/histroy/641-2011-09-22-06-46-17.html#comment-1145

စတိ(ဗ)ဂျော့(ဘ)(စ)၏ ချစ်ခြင်းအားဖြင့်

Written by ဒေါက်တာအောင်ကြီး

Wednesday, 02 May 2012 22:38

(၁)  Apple ကွန်ပျူတာဖခင် စတိ (ဗ) ဂျော့(ဘ)(စ)မှာ မွေးကတည်းက စွန့်ပစ်ခံရသူ။ မိခင်ဂျူံးက ဂျာမန်နွယ်ဖွား။ အမေတို့အမျိုးက စည်းကြီးကမ်းကြီးရှိလှသည့် ဗရင်ဂျီဘာသာဝင်တွေ။ ဒီလို အသိုင်းအ၀ိုင်းထဲက သူ့အမေက ဆီးရီးယားနိုင်ငံသား မွတ်စလင်တစ်ဦးနှင့် ချစ်ကြိုး သွယ်သည်။ သူနာမည်က အဗ္ဗဒူ(လ) ဖာတာဂျွန်ဂျန်ဒါလီ။ သူ့တို့ဖက်ကလည်း ဆွေကြီးမျိုးကြီးတွေ။ ဘေရွတ်ရှိ အမေရိကန် တက္ကသိုလ်တစ်ခုမှ ဘွဲ့ရပြီး အမေရိကန်နိုင်ငံ ၀စ္စကွန်ဆင် တက္ကသိုလ်မှာ နိုင်ငံရေးသိပ္ပံ ပါရဂူတန်း တက်နေသူ။ ဂျော့(ဘ)(စ)ကို ကိုယ်ဝန် လွယ်ရချိန်မှာ အမေရော အဖေပါ ၂၃ နှစ် အရွယ်သာ ရှိသေးသည်။ ကိုယ်ဝန်ရှိနေသည့်တိုင် သူတို့နှစ်ဦး၏ ရှေ့ရေးက မရေရာ။ တရားဝင်လက်ထပ်ဖို့က မဖြစ်နိုင်။ အမေ့အဖေက အိပ်ရာထဲမှာ သေမင်းကို စောင့်စားနေရချိန်။ ဂျန်ဒါလီနှင့် လက်ထပ်က သမီးကို အမွေဖြတ်မည်ဟု အဖိုးကြီးက ခြိမ်းခြောက်ထားလေသေးသည်။ ကိုယ်ဝန်ဖျက်ချဖို့ဆိုတာကလည်း သူတို့လို ဗရင်ဂျီ အသိုင်းအ၀ိုင်းကျဉ်းကျဉ်းလေးထဲမှာ ဘယ်လိုမှ မဖြစ်နိုင်။ ဂျူံးတစ်ယောက် ကယ်သူရှာတော့ ဆန်ဖရန်စစ္စကိုရှိ ဆရာဝန်ကြီးတစ်ဦးကို တွေ့သည်။ ဆရာဝန်ကြီးက တစ်ကိုယ် တော်မိခင်များ ကလေးမွေးဖွားရေးမှာ ကူညီသည့်အပြင် ကလေးတွေအတွက် မွေးစားမိခင် ဖခင် ရှာပေးရေးကိုလည်း သိုသိုသိပ်သိပ် ဆောင်ရွက်ပေးတတ်လေသေးသည်။ ဂျူံးက တစ်ခုပဲ တောင်းဆိုရှာပါသည်။ ''သူ့ကလေးရဲ့ မိဘတွေဟာ ကောလိပ်ဘွဲ့ရဖြစ်ရမယ်''။ ဆရာဝန်ကြီး က ကလေးကို ရှေ့နေတစ်ဦးထံမှာ မွေးစားစေဖို့ စီစဉ်ထားသည်။ ၁၉၅၅ ဖေဖော်ဝါရီ ၂၄ ရက်မှာ ဂျော့(ဘ)(စ)ကို မွေးတော့ မွေးစားမိဘတွေက ယောက်ျားလေး မလိုချင်၊ သမီးလေးသာ လိုချင်သည်ပြော၍ နောက်ဆုတ်သွားသည်။ သို့မို့ကြောင့် ဂျော့(ဘ)(စ)ခမျာ ရှေ့နေတစ်ဦး၏ သားဖြစ်လာရမည့်အစား အထက်တန်းကျောင်းပင်မပြီးခဲ့သော စက်တွေချစ်တတ်သော အဖေနှင့် ဘ၀ကို ဒေါင်လိုက်ပြားလိုက်နေတတ်သူ စာရင်းကိုင်အမေတို့ထံ ကြီးပြင်းလာရသည်။ ဂျူံးက အထက်တန်းကျောင်းပင် မပြီးခဲ့သည့် ဇနီးမောင်နှံလက်ထဲ သူ့မျက်ရွဲလေးကိုထည့်ဖို့ ငြင်းဆန်သေးသည်။ သားလေး မွေးစားမိဘ လက်ထဲ ရောက်နေသည့်တိုင် သူလက်မှတ်ထိုးမပေးဘဲ တင်းခံနေလေသည်။ နောက်ဆုံးကျတော့ မွေးစားမိဘထံမှ ခံဝန်ချက်တစ်ခုရ အောင်တောင်းပြီး သူသဘောတူလိုက်သည်။ တောင်းဆိုချက်က - ကလေး၏ ကောလိပ်ပညာရေးအတွက် ငွေစုစာအုပ် ဖွင့်ထားပေးဖို့။ ဂျူံးဖခင် မကြာမီ ကွယ်လွန်သည်။ ထိုနှစ်ခရစ်(စ)မတ်(စ)အပြီးမှာ ဂျူံးနှင့်ဂျန်ဒါလီ လက်ထပ်သည်။ ဂျန်ဒါ လီနိုင်ငံရေးသိပ္ပံ ပါရဂူဘွဲ့ရသည်။ သမီးကလေးတစ်ဦး တိုးပွားလာသည်။ မိုနာ။ ၁၉၆၂ မှာ ဂျူံးနှင့် ဂျန်ဒါလီ လမ်းခွဲသည်။ ဂျူံးတစ်ယောက် အိပ်မက်ကမ္ဘာထဲ ခရီးလှည့်သည်။ ၀င်္ကပါခရီး။ သည်အကြောင်းတွေကို တစ်ရက်မှာ ကမ္ဘာကျော် ၀တ္ထုရေးဆရာမဖြစ်လာသည့် သမီးမိုနာက သူ့စာအုပ် ''ဒီနေရာကလွဲလို့ ရောက်ရာပေါက်ရာ''မှာ မှတ်တမ်းတင်သည်။ သားနှင့် မိခင်ပြန်တွေ့ဖို့က နောင်အနှစ်(၃၀)ကျော် စောင့်ရသည်။ (၂) သူမွေးစားသားဖြစ်မှန်း ဂျော့ (ဘ)(စ) ငယ်စဉ်ကတည်းက သိသည်။ ဒီကိစ္စမှာ သူ့မိဘတွေက ပွင့်လင်းမြင်သာသည်။ တစ်ရက်သူ ၆ နှစ် ၇ နှစ်သားအရွယ် အိမ်ရှေ့မြက်ခင်းပေါ်ထိုင်ရင်း သူငယ်ချင်း မိန်းကလေးကို ဒီအကြောင်း ဖွင့်ပြောလိုက်တော့ ကလေးမလေးက ''ဒါဆိုရင် နင့်မိဘအရင်းတွေက နင့်ကို မလိုချင်လို့ပေါ့''ဟု မှတ်ချက်ချလိုက်သည်။ ''ကျွန်တော့်ခေါင်း မိုးကြိုးဟက်ထက် ခွဲခံလိုက်ရသလိုပဲဗျာ''ဟု သူရင်ဖွင့်သည်။ ''ကျွန်တော်ငိုပြီး အိမ်ကိုပြေးသွားတယ်။ အဖေနဲ့အမေက ကျွန်တော့်ကို စေ့စေ့ကြည့်ပြီး သားလေး - မင်းသိဖို့က ငါတို့က မင်းကို သေသေချာချာ ရွေးချယ်ခဲ့တာကွလို့ တစ်လုံးချင်းပြောတယ်။ ထပ်တလဲလဲ ပြောတယ်။ လေးလေးနက်နက် ပြောတယ်။ ဟုတ်တယ် ..... ငါဟာ အစွန့်ခံ။ ငါဟာ အရွေးချယ်ခံ။ တော်ကောက်ခံ။ ငါဟာ အထူးအမွန်။'' ဂျော့(ဘ)(စ)က ကျောင်းမနေခင်ကတည်းက အမေသင်ပေးထားလို့ စာကောင်းကောင်း ဖတ်တတ်နေပြီ။ ကျောင်းက သူ့အတွက် ပျင်းစရာ။ ငြီးငွေ့စရာ။ ဒါကြောင့် ကျောင်းမှာ လျှောက်ကမြင်းရာက 'ဆိုးပေ' နာမည် ရလာ သည်။ သူ့အဓိကပြဿနာက အာဏာပိုင်အဖွဲ့အစည်း တစ်ခုခု၏ သြဇာကို မနာခံလိုခြင်း။ တတိယတန်း မပြီးခင်မှာပင် ကျောင်းမှ သုံးကြိမ်အနှင်ခံရပြီးပြီ။ သူ့ဖခင်ပေါ(လ)ဂျော့(ဘ) (စ)က သူ့သား၏ ''ထူးခြားဖြစ်စဉ်''ကို လက်ခံသည်။ ကျောင်းကလည်း သားကို သူ့လို လက်ခံ ဆက်ဆံ စေချင်သည်။ သူ့အဖေက ကျောင်းကိုလိုက်သွားပြီး ဆရာဆရာမတွေကို 'ဒီမှာဗျ။ ဒါသူ့အပြစ် မဟုတ်ဘူး။ သူစိတ်ဝင်တစားရှိအောင် လုပ်မပေးနိုင်တာကို က ခင်ဗျားတို့ရဲ့ ညံ့ဖျင်းမှုပဲ''ဟု ပြောသည်။ ကျောင်းမှာ ဖြစ်ပျက်ခဲ့တာတွေနှင့် ပတ်သက်ပြီး သူ့မိဘတွေက သူ့ကို တစ်ရံခါမှ အပြစ်မပေးဘူး။ လေးတန်းတက်ရတော့ သူချစ်မြတ် လေးစားသည့် ဆရာမကြီးတစ်ဦးနှင့် ဆုံရသည်။ အင်မိုဂျင်းဟီး(လ)။ ''ကျွန်တော့်ဘ၀ရဲ့ သူတော်စင်တစ်ဦးပါပဲဗျာ''ဟု ဂျော့(ဘ)(စ)က ရင်ဖွင့်ဖူးသည်။ သူကျောင်းဆင်းချိန်တစ်ရက်မှာ ဆရာမက သူ့ကို သင်္ချာစာအုပ် တစ်အုပ်ပေးပြီး အိမ်မှာ တွက်ခဲ့ဖို့ပြောသည်။ ဆရာမ ဘာကြောင်တာလဲ ဟု သူတွေးနေခိုက် ဆရာမက ရေခဲမုန့် အကြီးကြီးတစ်ခု ထုတ်ပြပြီး - ''မင်းအဲဒီစာတွေပြီးရင် အဖြေမှန်ရင် မင်းကို ဆုချမယ်။ ပိုက်ဆံ ၅ ဒေါ်လာလည်း ပေးဦးမှာ''ဟု ပြောသည်။ ''ကျွန်တော်ကလည်း စိန်လိုက်ပေါ့။ နှစ်ရက်အတွင်း ပုစ္ဆာတွေအားလုံး ပြီးသွားတယ်''။ ''အချိန်နည်းနည်းကြာလာတော့ ကျွန်တော်ဆရာမဆီက မုန့်နဲ့ပိုက်ဆံမမျှော်တော့ဘူး။ ကျွန်တော်သိချင်လို့ တတ်ချင်လို့ကို ကျောင်းစာလုပ်တော့တာ။ ဆရာမ သဘောကျစေချင်တာလည်း ပါတယ်'' ။ ဆရာမက သူ့ကို မှန်ဘီလူး သွေးဖို့၊ ကင်မရာလုပ်ဖို့ ပစ္စည်းတွေ ၀ယ်ပေးသည်။ ''ကျွန်တော်ဆရာမဆီက သင်ယူခဲ့ရတာ တခြားဆရာတွေဆီက သင်ယူခဲ့ရတာထက် အများကြီးပိုပါတယ်။ ဆရာမကြောင့်သာ မဟုတ်ခဲ့ရင် ကျွန်တော်ထောင်ထဲ ရောက်ချင် ရောက်ခဲ့မှာ'' ဟု ဂျော့(ဘ)(စ) ပြန်ပြောင်း သတိရတတ်သည်။ ဆရာတပည့် မေတ္တာပြန်လှန် စီဆင်းပုံက။ 'ကျွန်တော်ဆရာမဆီက သင်ယူခဲ့ရတာ တခြားဆရာတွေဆီက သင်ယူခဲ့ရတာထက် အများကြီးပိုပါတယ်။ ဆရာမကြောင့်သာမဟုတ်ခဲ့ရင် ကျွန်တော်ထောင်ထဲ ရောက်ချင်ရောက်ခဲ့မှာ'ဟု ဂျော့(ဘ)(စ) ပြန်ပြောင်းသတိရတတ်သည်။ ဆရာတပည့် မေတ္တာပြန်လှန်စီဆင်းပုံက ... (၃) ဂျော့(ဘ)(စ)က သူ့မွေးစားဖခင်ကို အလွန်ချစ်သည်။ ဖခင်က ကမ်းခြေစောင့်တပ်ထွက်။ အထက်တန်းကျောင်း မပြီးသော်လည်း စက်ကိရိယာ နှိုက်ချွတ်ပြင်ဆင်ရာ၌ ကျွမ်းကျင်သူ။ သူက ကားဝယ်ရောင်း။ မရောင်းခင်ကားကို ပြင်ဆင်မွမ်းမံအရောင်တင်။ ကားဒီဇိုင်း အသေးစိတ်ကို စိတ်ဝင်စားသည်။ သူကားရုံထဲ အလုပ်လုပ်ရင် ဂျော့(ဘ) (စ)က အဖေနောက် တကောက်ကောက်။ ''ကားပြင်ရတာကို ၀ါသနာပါလှလို့ မဟုတ်ပါဘူး။ အဖေ့နား နေချင်လို့ပါ''တဲ့။ ဖခင်ကြောင့် သူအီလက်ထရွန်နစ်ပစ္စည်းတွေနှင့် စတင်ထိ တွေ့ရသည်။ အဖေက သွေးအေးသလောက် သိမ်မွေ့သည်။ သူတို့နေထိုင်ရာက နောင် ''ဆီလီကွန်တောင်ကြား'' ဖြစ်လာမည့်နေရာ။ အိမ်နီးချင်း တွေက အင်ဂျင်နီယာတွေ။ ဒီအထဲက လာရီလင်းက ဂျော့(ဘ)(စ)အတွက် စံပြုပုဂ္ဂိုလ်။ အီလက်ထရွန်နစ် ဘိုးအေကြီး။ တစ်ရက်မှာသူက ကာဘွန်မိုက်ခရိုဖုန်းရယ်၊ ဘက်ထရီရယ်၊ စပီကာရယ်ယူလာပြီး သူ့အိမ်အ၀င်လမ်းမှာ ဆင်းသည်။ ''သူက ကျွန်တော့်ကို ကာဘွန်မိုက်ခရိုဖုန်းထဲ အော်ပြောခိုင်းလိုက်တော့ စပီကာကအသံတွေ ဟိန်းထွက်လာတယ်။ အဖေက မိုက်ခရိုဖုန်းတွေဟာ အီလက်ထရွန်နစ် အသံချဲ့စက် အမြဲလိုတယ်လို့ ကျွန်တော့်ကို သင်ထားတာ။(ခုဟာက အသံချဲ့စက်မပါဘဲ အသံက ဟိန်းနေတာ) ဒါနဲ့ ကျွန်တော်အိမ်ပြန်ပြေးပြီး အဖေ့ကိုပြောပြရတာပေါ့။ အဖေသင်ထားတာ မှားနေပြီဗျလို့။ အဖေက မင့်ဟာ မဖြစ်နိုင်ပါဘူး။ မိုက်ခရိုဖုန်းဟာ အသံချဲ့စက်လိုတာချည်းပဲကွလို့ ပြောတုန်း။ကျွန်တော်က မလိုကြောင်း ထပ်ခါတလဲလဲပြောပြီး အဖေ့ကို အတင်းဆွဲခေါ်သွားတယ်။ အသံချဲ့စက်မလိုတဲ့ မိုက်ခရိုဖုန်းကို တွေ့လိုက်ရတော့ အဖေ ထခုန်မတတ်ပဲ။'' ဂျော့(ဘ)(စ)က ဒီအဖြစ်အပျက်ကို ရှင်းရှင်းကြီး မှတ်မိနေသည်။ သူ့အဖေဟာ လုံးစုံကိစ္စ သိဖွယ်ရာ မှန်သမျှ တတ်သိနှံ့စပ်သူဟု သူက မြင်ထားရှာတာ။ သူ့အဖေ ဒီလိုမဟုတ်ကြောင်း သူပထမဆုံးအကြိမ် သိလိုက်ရသည်။ ဒါ့ထက် ပိုစိတ်မကောင်းစရာက သူက သူ့မိဘတွေ ထက် တတ်သိနေတာ၊ ပိုတော်နေတာ၊ ရှေ့ရောက်နေတာ။ တကယ်တော့ အဖေက စက်တစ်ခုကို ကြည့်လိုက်ရုံနှင့် စက်အတွင်းပိုင်း အလုပ်လုပ်ပုံကို မှန်းဆ သိနိုင်သည့်လူ။ အလုပ်ကို စနစ်တကျ သပ်သပ်ရပ်ရပ် လုပ်တတ်သူ။ မိဘနှစ်ပါးထက် သူကတော်နေ တတ်နေတာ သိလိုက်ရတော့ သူ ရှော့(ခ)ရသလို ဖြစ်ရတဲ့ကြားထဲ ဒီလိုအတွေးမျိုးဝင်လာတာကိုလည်း ကြီးစွာ အရှက်ရမိသတဲ့။ ပြင်းစွာခံစားရသတဲ့။ ဒီအချိန်ကို သူဘယ်လိုမှ မေ့လို့ မရတော့ပါတဲ့။ မွေးစားသားဖြစ်လို့ သီးသန့် ခံစားမှုရနေသည့်အပြင် ယခုလိုခံစားသိမြင်မှုက သူ့ကို သူ့မိဘ၊ သူ့ပတ်ဝန်းကျင်လောကနှင့် ပိုလို့ပိုလို့ တသီးတသန့် ကွဲပြားခြားနားစေခဲ့သတဲ့။ ဂျော့(ဘ)(စ) နောက်ထပ် ရှော့ (ခ)ရစရာတစ်ကွက် ကျန်သေးသည်။ သူထူးခြား ပုဂ္ဂိုလ်ဖြစ်ကြောင်း၊ မိဘတွေထက် မိုင်ပေါင်းများစွာ ရှေ့ရောက်နေကြောင်းသိတာ သူတစ်ဦးတည်း မဟုတ်ရလေတဲ့။ သူ့မိဘနှစ်ပါးလုံး ဒီအကြောင်း ကောင်းကောင်း သိပြီးဖြစ်သတဲ့။ သူ့ကို သိပ်ချစ်တဲ့ မိဘတွေ။ ၀မ်းနှင့် လွယ်မမွေးရသော်လည်း။ သူတို့က သိပ်တော်လှတဲ့ ဒီသားအတွက် သူတို့ဘ၀တွေကို ဒီနေရာပြန်ချဖို့ ၀န်မလေးသူတွေ။ ပြန့်ကျယ်နေရာ ယူလာတဲ့ သားဘ၀ကို နေရာပေးဖို့အတွက် သူတို့နေရာတွေ ပြင်ထိုင်ဖို့ ဦးမလေးသူတွေ။ သားကို ကောင်းကောင်းကျွေးဖို့။ ကျောင်းကောင်းကောင်းထားဖို့။ ကာကွယ်စောင့်ရှောက်ဖို့။ သူလေးတန်း စာမေးပွဲမှာရသည့် အမှတ်တွေက မြင့်လွန်းလှတော့ ကျောင်းကသူ့ကို နောင်နှစ်ငါးတန်းတက်ရမည့်အစား ၂ တန်းခုန်ကျော်ပြီး ၇ တန်း တက်ပေးဖို့ စီစဉ်သည်။ သို့ပေတဲ့ သူ့မိဘတွေက အတန်းတစ်တန်းပဲ ခုန်ကျော်ခွင့်ပြုပြီး ၆ တန်းမှာထားဖို့ သဘောတူလိုက်သည်။ ဒီလိုချစ်ခင်သလောက် အမြော်အမြင်ကြီးလှသည့် မိဘတွေ။ မိဘနှင့်သားအကြား မေတ္တာကူးလူး ဖြတ်သန်းမှု။ (၄) ၁၉၈၆ ခုနှစ် ဂျော့(ဘ)(စ) အသက် ၃၁ နှစ်။ မွေးစားမိခင်ကလာရာ အဆုတ်ကင်ဆာဖြစ်သည်။ နှစ်ရှည်လများ ဆေးလိပ်စွဲသောက်ခဲ့သည့် လက္ခဏာ။ ဂျော့(ဘ)(စ) မိခင်ဘေးနေပြီး အတိတ်က အကြောင်းတွေ မေးသည်။ သူတစ်သက်လုံး မမေးခဲ့တာတွေကို စပ်စပ်စုစု မေးသည်။ အတိတ်ရာဇ၀င် တူးဆွခြင်း။ အဖေနှင့် လက်မထပ်မီ သူ့အမေ အိမ်ထောင်တစ်ဆက်ရှိသေးကြောင်း သိလာရသည်။ သူ့ကို မွေးစားခဲ့ပုံကိုလည်း အသေးစိတ် ပြောပြသည်။ သူအမေအရင်းကို တွေ့လိုစိတ် ၀င်လာသည်။ တကယ်တော့အမေအရင်းကို ရှာဖွေထောက်လှမ်းဖို့ ၁၉၈၀ ပြည့်နှစ်ကတည်းက စုံထောက်တစ်ဦး ငှားရမ်းခဲ့ဖူးသည်။ အလုပ်မဖြစ်။ မွေးလက်မှတ်မှာပါသည့် ဆန်ဖရန်စစ္စကိုက ဆရာဝန်ကြီးကို ဖုန်းစာအုပ်ထဲရှာပြီး ဖုန်းဆက်ကြည့်သည်။ မှတ်တမ်းတွေ အားလုံး မီးထဲပါသွားကြောင်း အကြောင်းပြန်သည်။ တကယ်တော့ မဟုတ်။ ဂျော့(ဘ)(စ)ဆီက ဖုန်းရပြီးနောက် ဆရာဝန်ကြီးက စာတစ်စောင်ရေးပြီး စာအိတ်ထဲထည့်၊ ချိတ်ပိတ်ပြီး စာအိတ်ပေါ်မှာ သူသေရင် ဂျော့(ဘ)(စ)လက်ထဲထည့်ဖို့ ရေးထားလိုက်သည်။ သိပ်မကြာမီ ဆရာဝန်ကြီးဆုံးတော့ ဒီစာ သူ့လက်ထဲ ရောက်လာသည်။ သူ့အမေရင်းကို သိရပြီ။ အခြား စုံထောက်တစ်ဦး၏ ကြိုးပမ်းမှုကြောင့် သူ့အမေရင်းနှင့် နှမငယ်ကို ခြေရာခံမိသည်။ သို့သော် အမေရှာပုံတော်ဖွင့်တာကို သူ့မွေးစားမိခင် မသိစေချင်။ သူ့မိခင် စိတ်ထိခိုက်သွားမှာကို သူမလိုလား။ ကြောင့်ကြ ပူပန်သည်။ အမေဆုံးတော့မှ အမေရင်းကို သူစတင်ဆက်သွယ်သည်။ အဖေ့ကို ဖွင့်ပြောတော့ အဖေက ကြည်ကြည်သာသာပဲ ခွင့်ပြုပါသည်။ ''အမေ့ကို တွေ့ချင်တာက သိချင်စိတ်သက်သက်နဲ့ပါ။ ကျွန်တော်ကလူတစ်ဦးရဲ့ အောင်မြင်မှုဟာ မျိုးရိုးဗီဇထက် ပတ်ဝန်းကျင်ပေါ်မူတည်တယ်လို့ ထင်တယ်။ ဒါပေမဲ့ကိုယ့်ရဲ့ ဗီဇမျိုးရိုးအကြောင်းလည်း အထိုက်အလျောက် သိသင့်တာပေါ့''။ သူ့အမေ လုပ်ခဲ့တာတွေ မှန်ကြောင်း ပြောပြနှစ်သိမ့်ချင်သတဲ့။ သူကိုယ်ဝန်ဖျက်မချခဲ့တာအတွက် ကျေးဇူးတင်ကြောင်း ပြောချင်သတဲ့။ အသက် ၂၃ နှစ်အရွယ် မိန်းကလေးတစ်ဦး တရားမ၀င် ကိုယ်ဝန်လွယ်ခဲ့ရတာ ဖြတ်သန်းခဲ့ရတာ မလွယ်လှကြောင်း သူရိပ်စားမိပါသတဲ့။ အမေက တောင်းပန်စကားတွေ၊ ရှင်းလင်းချက်တွေ တစ်ပုံကြီးပေးသည်။ ဂျော့(ဘ)(စ)က သူနားလည်နိုင်ကြောင်း အထပ်ထပ် ပြန်ပြောရသည်။ နှစ်သိမ့်ရသည်။ သူ့နှမနှင့် တွေ့ရတာကလည်း စိတ်လှုပ်ရှားစရာ။ သာမန်နှမတွေထက်ပိုတာက သူနှင့်အလွန်တူခြင်း၊ အနုပညာ စွဲမက်တာရော၊ ပတ်ဝန်းကျင် မြင်မြင်သမျှကို သိမြင်ခံစားတတ်တာရော၊ ခံစားလွယ်တာရော၊ ခေါင်းမာတာရော၊ ပိသုကာလက်ရာတွေကို အနုစိပ် ခံစားခွဲဖြာတတ်တာရော။ ''ကျွန်တော်တို့ တစ်ဦးနဲ့တစ်ဦးသိလာရတော့ တကယ့် မိတ်ဆွေရင်းခြာ ဖြစ်သွားတယ်။ သူဟာ ကျွန်တော့်မိသားစုပဲ။ သူမရှိရင် ကျွန်တော် ဘယ်လိုနေရမှန်းတောင် မသိတော့ဖူး။ ဒီထက်ကောင်းတဲ့ နှမတွေးလို့ကို မရဖူး.....။'' မိခင် ဖခင်နှင့်မောင်နှ မရင်းခြာကြားယှက်နွယ်နေသည့် မေတ္တာပုံရိပ် (၅) ''ကျွန်တော်ကင်ဆာဖြစ်နေပြီလို့ သိလိုက်ရတော့ ..... ဘုရားသခင် ဒါမှမဟုတ် တစ်ဦးဦးကို ပေါ့လေ။ တိုင်တည် အသိပေးလိုက်တယ်။ ကျွန်တော့်သား အထက်တန်းကျောင်းက ဘွဲ့ရတာကို ကျွန်တော် တကယ်မြင်ချင်တယ်လို့''။ ၂၀၀၃ အောက်တိုဘာမှာ သူပင်ခရိယကင်ဆာရှိမှန်း သိလိုက်ရသည်။ ၂၀၀၉ မှာ သူအသည်းအသန်ဖြစ်တော့ သူ့သား နောက်တစ်နှစ်မှာ ဘွဲ့ယူရဦးမှာဟု အားတင်းပြီး ရောဂါဝေဒနာကို သည်းခံကျော်လွန်ခဲ့ရသတဲ့။ သားကြီးရိ(ဒ်) အရွယ်ရောက်လာတော့ သူ့အဖေ ၁၈ နှစ် သားအရွယ် ပုံပေါက်လာသည်။ ကြီးလေတူလာလေ။ တတ်သိပြီးပုန် ကန်မှုံဆန်တဲ့ အပြုံးနဲ့။ မျက်စိစူးစူးနဲ့။ ဆံပင်မည်းမည်းထူထူနဲ့။ ဒီအထဲ သူ့အမေဆီက ချိုသာမှုနှင့် သူတစ်ပါးအပေါ် စာနာသိတတ်မှုကို အမွေရလိုက်သေးသည်။ ဒါတွေက သူ့အဖေမှာ ရှာမရသည့် အရည်အသွေးတွေ။ သူ့အဖေကို မြတ်နိုးကိုးကွယ်သည်။ သူ့အဖေဟာ ငွေရေးကြေးရေး အကျိုးအမြတ် တစ်ခုတည်းကြည့်သည့် သွေးအေးအေး စီးပွားရေးသမားတစ်ဦး မဟုတ်ရကြောင်း၊ သူ့အလုပ်ကို ချစ်လို့လုပ်သူဖြစ်ကြောင်း၊ သူဖန်တီး ထုတ်လုပ်သမျှ ပစ္စည်းတွေအပေါ် ဂုဏ်ယူဝင့်ထည်လိုသူဖြစ်ကြောင်း ပြောတတ်သည်။ သူ့အဖေ ကင်ဆာရောဂါဖြစ်ကြောင်း သိလိုက်ရတော့ ရိ(ဒ်)က စတင်းဖို့(ဒ်) ကင်ဆာရောဂါကုဌာနမှာ နွေရာသီကျောင်းပိတ်ရက်အတွင်း ကင်ဆာသုတေသနလုပ်ငန်းမှာ ၀င်ကူရင်း လေ့လာသည်။ ''ကျွန်တော်ကင်ဆာဖြစ်တော့ အမြတ်ထွက်တာတစ်ခုက ရိ(ဒ်)တစ်ယောက် တကယ်တော်တဲ့ ဆရာဝန်တွေနဲ့ တွဲလုပ်ခွင့်ရတာပါပဲ။ ကင်ဆာသုတေသနာမှာ သူစူးနစ်နေပုံက ကျွန်တော်သူ့အရွယ်မှာ ကွန်ပျူတာ ရူးသွပ်ခဲ့ပုံမျိုးဗျ''ဟု ဂျော့(ဘ)(စ)က သူ့သားအတွက် ဂုဏ်ယူသည်။ ရိ(ဒ်) က သူကြီးလာရင် ကင်ဆာသုတေသီ လုပ်မည်ဟု ပြောသည်။ ''ကျွန်တော် စိတ်ကူးယဉ်ကြည့်တာပေါ့ဗျာ။ ရိ(ဒ်)က ဒီနားမှာ အိမ်တစ်လုံးဝယ်၊ သူ့မိသားစုနဲ့နေ။ ဒီကနေ စတင်းဖို့ (ဒ်)ကို စက်ဘီးနဲ့ ရုံးသွား ရုံးပြန်လုပ်''ဟု ဂျော့(ဘ)(စ)က သူ့သားအနာဂတ်ကို စိတ်ကူးပုံဖော်သည်။ ချစ်ခြင်းမေတ္တာက အဖိုးအဖွားထံမှ မိဘများထံ စီးဆင်းပါသည်။ မိဘများထံမှ သားသမီး ညီအကိုမောင်နှမများထံ ဆက်စီးဆင်းပါသည်။ သားသမီးမြေးမြစ်များထံမှလည်း မိဘဘိုးဘွားများထံ ပြန်လှန်စီးဆင်း တတ်ပါသေးသည်။ ဘယ်လိုစီးဆင်း စီးဆင်း၊ ဘယ်လမ်းကြောင်း ရောက်ရောက်၊ ဘယ်လမ်းမြှောင်ဝင်ဝင်၊ ချစ်ခြင်းမေတ္တာ၏ ကောက်ကြောင်းကတော့ လှပခမ်းနား ပြည့်စုံဝင်းပမြဲဖြစ်ပါသည်။ http://www.news-eleven.com/index.php?option=com_content&view=article&id=13392:2012-05-02-16-32-25&catid=78:2009-11-13-06-25-17&Itemid=135

မြန်မာ့အလင်းသတင်းစာ အယ်ဒီတာ့အာဘော်က ၀န်ကြီး ဦးမြင့်လှိုင်ကို စောင်းမြောင်း ရေးထားလေသလား

မြင့်လှိုင်၊ မေ ၁ ရက်၊ ၂၀၁၂

ဧပြီ ၃၀ ရက်နေ့ထုတ် မြန်မာ့အလင်းသတင်းစာ စာမျက်နှာ ၂ မှ

သတင်းတပုဒ်အတွက် ကိုးကားဖို့ ၂၀၁၂ ဧပြီ ၃၀ ရက်နေ့ထုတ် မြန်မာ့အလင်းသတင်းစာကို ပြန် ဖတ်ကြည့်စဉ် အယ်ဒီတာ့အာဘော်ကို ဖတ်ကြည့်လိုက်မိလိုက်ရာကနေ ဒီသတင်းကို ရေးဖြစ်သွားတာပါ။ မြန်မာအစိုးရဟာ မီဒီယာလွတ်လပ်ခွင့်ကို စမ်းသပ်ခွင့်ပြုဖို့ မကြိုးစားမီကတည်းက အစိုးရအာဘော်သတင်းစာတွေဖြစ်တဲ့ မြန်မာ့အလင်းနဲ့ ကြေးမုံသတင်းစာတွေရဲ့ သတင်း ဖော်ပြမှုပုံစံကို နည်းနည်းချင်း ပြောင်းလဲ ဖော်ပြလာခဲ့ပါတယ်။ ထို့အပြင် သမားရိုးကျ ၀ါဒဖြန့်စာသားတွေနဲ့ ဖော်ပြခဲ့တဲ့ အယ်ဒီတာ့အာဘော်ကဏ္ဍရဲ့ ရေးသားဖော်ပြနည်း ပြောင်းလဲခဲ့တာကိုလည်း သတိထားမိပါတယ်။ ထိုသို့ ပြောင်းလဲ ရေးသားခဲ့ရာမှာ ၂၀၁၂ ဧပြီ ၃၀ ရက်နေ့ထုတ် မြန်မာ့အလင်းသတင်းစာတွင် ရေးသားထားတဲ့ အယ်ဒီတာ့အာဘော်ကတော့ The Hot News ဂျာနယ်ကတဆင့် ပြည်သူ့လွှတ်တော် ကိုယ်စားလှယ်တွေကို စာမှ မတတ်၊ ဆယ်တန်းမှ မအောင်ဘဲ လွှတ်တော်ထဲ လာထိုင်နေတယ်လို့ ဗြောင်ကျကျ ရိုင်းရိုင်းစိုင်းစိုင်း ပြစ်တင် ဝေဖန်တဲ့ လယ်ယာစိုက်ပျိုးရေးနဲ့ ဆည်မြောင်းဝန်ကြီးဌာန ပြည်ထောင်စုဝန်ကြီး ဦးမြင့်လှိုင်ကို စောင်းမြောင်း ရေးသားလိုက်သလားလို့ သံသယနဲ့ ထင်မှတ်မိလိုက်ပါတယ်။ မြန်မာ့အလင်းသတင်းစာရဲ့ အယ်ဒီတာ့အာဘော်ခေါင်းစဉ်ကို “ပူးပေါင်း ဆောင်ရွက်ခြင်း အလေ့အထ“ လို့ ရေးသားထားပြီး အလုပ်တခုကို လုပ်တော့မယ်ဆိုရင် ပူးပေါင်း ဆောင်ရွက် လုပ်ကိုင်ခြင်းဟာ အကောင်းဆုံးဖြစ်ကြောင်း၊ “ငါ့မြင်း ငါစိုင်း စစ်ကိုင်းရောက်ရောက်“ ဆိုတဲ့စကားအတိုင်း အရာရာကိုယ်ထင်ရာ၊ ကိုယ်မြင်ရာ ပြောဆို လုပ်ကိုင်တဲ့ခေတ် ကုန်ခဲ့ပြီ ဖြစ်ကြောင်း၊ အများဆန္ဒ၊ အများသဘောဖြင့် လုပ်ကိုင်တဲ့ ခေတ်အခါကို ရောက်နေပြီဖြစ်ကြောင်း၊ ပူးပေါင်းဆောင်ရွက်မှသာ လမ်းကြောင်းအမှန် ဖော်ဆောင်ပေးနိုင်မှာဖြစ်ကြောင်း စတင် ရေးသားထားပါတယ်။ ထို့နောက် ဦးနှောက်တလုံးနဲ့ လုပ်တဲ့အလုပ်နဲ့ ဦးနှောက်ဆယ်လုံး အသုံးပြုလုပ်တဲ့အလုပ်ဟာ မတူ၊ ဦးနှောက်တလုံးထက် ဆယ်လုံးက သာတယ်လို့ ဖော်ပြထားပြီး “ဆယ်ယောက်ပေါင်းလို့မှ ဆယ်တန်း မအောင်တဲ့သူတွေနဲ့ ပူးပေါင်း ဆောင်ရွက်လို့တော့ ဘာထူးမှာတဲ့တုံး“ လို့ ပြောတဲ့သူများ ရှိကြောင်း၊ အရည်အချင်း နည်းပါးသူများနဲ့ ပူးပေါင်း ဆောင်ရွက်ရမယ်လို့ မဆိုလိုကြောင်း၊ အရည်အချင်း ပြည့်ဝသူများ၊ အတွေ့အကြုံ ရင့်ကျက်သူများ၊ အတွေးအခေါ် မှန်ကန်သူများနဲ့သာ ပူးပေါင်းဆောင်ရွက်ခြင်းက လိုရာပန်းတိုင်းကို ရောက်နိုင်ကြောင်း ရေးသားထားပါတယ်။ ဒါ့ကြောင့်မို့ ဦးမြင့်လှိုင် ပြောခဲ့တဲ့ “အခြေခံဖြစ်တဲ့ ဒေသအသီးသီးက လွှတ်တော်ကိုယ်စားလှယ်ဆိုပြီး ရောက်လာတဲ့လူက စာမှ မတတ်၊ ဆယ်တန်းမှ မအောင်ဘဲ လွှတ်တော်ထဲ လာထိုင်တော့ သူများ ထ ဆို မတ်တပ်ထ နေတယ်။ ထိုင်ဆို ထိုင်နေတယ်။ သူများ ခလုပ်နှိပ်ဆို နှိပ်တယ်။ သူမှ ဘာမှ မသိတာ။ ဘာတွေ ပြောနေလဲ သူ နားလည်တာ မဟုတ်ဘူး။ ရမ်းလုပ်နေရတာ။ အဲဒီဟာတွေကို ဒေသအလိုက် နယ်ပယ် အသီးသီးက ပညာတတ်တွေ ထွက်ပေါ်လာအောင်ဆိုပြီး လုပ်ပေးခဲ့တယ်။ ဒါပေမယ့် အချိန်က ယူရဦးမယ်။ သူငယ်တန်းက စပြီး train လုပ်နေရတာ“ ဆိုတဲ့စကားကို မြန်မာ့အလင်းသတင်းစာ အယ်ဒီတာ့အာဘော်က ပြန်လည် ချေပ တုန့်ပြန်လိုက်တာလားလို့ တွေးမိလိုက်တာပါ။ ထိုသတင်းစာရဲ့ မျက်နှာဖုံးနဲ့ အယ်ဒီတာ့အာဘော်ဖော်ပြမှုရဲ့ အထက်မှာ ဦးမြင့်လှိုင်က မြန်မာသမ္မတ ဦးသိန်းစိန်နဲ့ ၀န်ကြီးတချို့ကို ပျဉ်းမနားမြို့နယ် အလျင်လိုကျေးရွာက စပါးစိုက်ခင်းတွေ လိုက်လံပြသတဲ့သတင်း ဖော်ပြထားခြင်း၊ ၀န်ကြီး ဦးမြင့်လှိုင်က လွှတ်တော်အမတ်တွေကို ဧပြီ ၃၀ ရက်နေ့က တောင်းပန်လိုက်ခြင်းတို့နဲ့ ဆက်စပ်မိတဲ့အတွက်လည်း အစိုးရသတင်းစာက အစိုးရ၀န်ကြီးကို ပြန် ဝေဖန်သလိုပဲလို့ သုံးသပ်မိခြင်း ဖြစ်ပါတယ်။ ထို ဖော်ပြချက်ကို ဖတ်ကြည့်မိတဲ့အခါ မြန်မာအာဏာပိုင်တွေဟာ အရင်ကလို အမိန့်နာခံခြင်းသည် မြတ်သောအကျင့်လို့ တွေးတတ်ရာကနေ လွတ်လပ် ပွင့်လင်းတဲ့အသိနဲ့ တွေးတတ်လာတဲ့ လမ်းစပေါ် ရောက်နေပြီလို့ ထင်မိပါတယ်။ သို့သော်လည်း ပြည်သူလူထု အကျိုးများတဲ့ သတင်းစကားများကို မပြောဆိုဘဲ တိုင်းပြည်နဲ့ လူမျိုးအတွက် အချင်းများစေတဲ့ အတင်းစကားတွေကိုသာ တွေးတော ပြောဆိုကြရင်ဖြင့် မြန်မာပြည် လွတ်လပ်ရေးရရှိခါစက ဖြစ်ပျက်ခဲ့တဲ့ မညီညွတ်မှုကို အကြောင်းပြကာ အာဏာသိမ်းပြီး တိုင်းပြည်ကို ချောက်ထဲဆွဲချခဲ့တဲ့ စစ်အာဏာရှင်စနစ်ဆိုး သံသရာထဲ မြန်မာပြည်သူတွေ တဖန် ပြန်လည် နစ်မွန်းမှာကို စိုးရိမ်နေမိပါတယ်။